فريك+كفتة +بصلة محكوكة رقيقة +ملعقة كروية +فلفل أحمر+خرقوم+ملح+02 سنينات ثوم+ملعقة و نصف فرينة
الطريقة
نأخذ الفريك نشمخوه بالماء جيدا باش يترب الماء و ينتفخ ونخليوه ليلة كاملة
وفي الغد نخلط معه جميع مقادير المذكورة سابقا نخلط الكل جيدا و نشكله على شكل كويرات ونقليه في زيت ساخنة وغزيرة على نار هادئة بدون ما تحركيه بزاف باش ما يتفتتش
كي ينقلى وتخافي ما يكونش طايب من الداخل مليح تدخليه للفرن حتى يتحمر مليح
المرق :
ديري دجاج والبصل والتوابل :قرفة ملح زعفران سنة توم مهروسة و سكينجبير و فلفل أسود
زيت وتخلي المواد تتقلى جيدا و تضيفين الماء و الحمص وتخليها تطهى حتى تعقاد
أنا درت الجيروات مكان الحمص مكانش عندي
و تزيني الطبق نتاعك بكويرات الخوخ
شهية طيبة
على كل حال شكرا لمشاركتنا وصفتك حبيبتي
مرة انا شفت يديرو الغبرة لي تبقا من الفريك كي يرحيوه
ممكن تشرحيلي معنى خرقوم؟؟؟ وهل الكويرات نقلوهم بدون البيض في داخلهم؟؟؟
هي حقا فكرة غريبة شوية لكن الوصفة شفتها في قناة الشروق العام الماضي للمقدمة صليحة و قلت نجربها و ننقلها للأخوات العزيزات لي معايا بلمنتدى
أختي أم حسنى الخرقوم هو العود الأصفر أو كاين لي يقولولو الكركم
الكويرات في الوصفة الأصلية دايرين الفروماج و أنا نحيتو على خاطر تجي فور بزاف مع الفريك و الكفتة
أي إستفسار أنا في الخدمة
البنة رائعة وماشاء الله 