صنع قلب اللوز في بيت 2024.

هذا قلب اللوز جربتو قداش مرة صلحلي من اول مرة حتي خوتاتي عادو يديروه وهو من صنع الاخت ام اماني في منتدى اخر واحببت ان تجربوه خير من نتاع برا على الاقل نضيف تعرفي واش راكي تاكلي وولادك لانه عندي ابني عشقو قلب اللوز كي يكل نتاع برا يمرضلي حاولو تجربو متندموش
المقادير:
تشيشة الكيل الي بغيتي
تاخذي تشيشة تقسميها على اثنين والنصفها هو الي تكيلي بيها
كيلا سكر
كيلا زيت
نصف كيلا ماء الزهر
نصف ملعقة صغيرة خميرة قاطو
ملح فاني
خلطي مليح بيديك حتي تتجانس ضعيها في ساشي نيلو على الاقل6ساعات في ثلاجة
مرة على مرة قلبيها
بعد ذلك سخني فرن ضعي قلب اللوز في صنية طيبيها تحمار من تحت و الفوق تكوني طيبتي شاربات
وهي
2كيسان سكر
4كيسان ماء على نار كي طفي زيدي 1كاس ماء الزهر

كي طيب تكون شاربات باردة و قلب اللوز سخون زيني انت وما تحبي
ملاحضة ان شاربات مستملتهاش الكل جاتني شوي خفيفة اسقي بشويةوشوفي حسب دقيق الي عندك

تسلم الايادي عل الوصفة

الصور تساااااااااااااعد في تقديم الموضوووووووووع ياااااريت حطيتيها باااااااااش نشوفوووووووووووه ونجرو نديروه مع رمضاااااااان هي بذاااااااااااات

تسلمس على مشاركتنا الوصفة اسمحيلي ممكن تفهمتيني في نصفها هو اللي تكيلي بيه معناه اذا كان الكيل بكاس نستخدم نصف كاس ولا كيفاش

مشكورة على الوصفة أختي الكريمة

رانينتعلم كفاه نبعث صور لانني جديدةمنعرفش كيفا منجي نتعلم يكون رمضان خلص ههههههه اللهم بلغنارمضان كل مجرب ومضمون رايحا نكتبو ولو بدون صور تخيلي شفتيها راهي قدامك سلام

مرسي حنونة على وصفة
مايكون على خاطرك نطيبها عشية ونجبهالك

الكيل مثال اذا اخذتي كاس قازوز عادي عمريه دقيق ثم اقسميه على اثنين نصف كاس هو كيل باقي مواد ديري في بالك شربات صبي بشويه لتجيك مايها حسب دقيقك بالصحة حبايبي

يعطيك صحة على الوصفة