السلام عليكم
اليوم جبت لكم صبيعات بالخبز اليابس محشية بالفرماج من مطبخي
المقادير :
– كأسين خبز يابس مرحي
– قسبر و معدنوس (عينك ميزانك)
– 4 سنينات ثوم
– ملح و فلفل كحل
– 2 حبات بيض
– قطع فرماج (إختياري)
– شوي حليب
للحشو:
3 أو 4 قطع فرماج مقطع
الطريقة :
حطي الخبز اليابس و فلفل كحل و ملح و قسبر و معدنوس و ثوم و خلطيهم مع بعض ثم ضيفي البيض و الفرماج و خلطي إذا ما تلمش الخليط ضيفي القليل من الحليب باش تلميه و تتحصلي على خليط سهل التشكيل
خدي قد حبة الجوزة من الخليط و حطي في الوسط قطعة فرماج و شكلي صبيعات مرمديهم في الخبز اليابس و قليهم على نار متوسطة باش يطيب من داخل
هذه المقادير تخرج تقريبا 15 حبة و الجميل فيها انها ما تشربش الزيت و الخبز ما يترماش
عذرا ما صورتش كل المراحل
]
يمْ يمْ مشكورة حبيبتي بارك الله فيك
وصفة ساهلة و هكا الواحد ميرميش الخبز يستعمله في حاجة اخرى
ممتاز يعطيك الصحة يا الشاطرة
امممممممممممممممممم
تسلم الايادي
يا عصفورة
تسلم الايادي
يا عصفورة
يعطيك الصحة حبيبتي، طبق رائع
شكرا عصفورة وصفة بنينة اكيد بارك الله فيك
يعطيك الصحة وصفة اقتصادية اليوم نجربها
جزاك الله خيرا
تسلمي على الوصفة
شكرا لمروركن