شربة الفارميسال بالجاج 2024.

بسم الله الرحمن الرحيم
الحمد لله و الصلاة و السلام على رسول الله
السلام عليكم و رحمة الله تعالى و بركاته
هدي الوصفة شحال و هي فالميكرو و حتى لليوم باش كتب ربي و رايحة نحطها موضوع نتمنى تعجبكم
المقادير:
ـ قطع جاج (من الاحسن الصدر و ادا ما توفرش استعملي الموجود).
ـ بصلة.
ـ حبة بطاطا.
ـ حبة جزر.
ـ حبة قرعة (انا ما كانتش متوفرة عندي ما درتهاش).
ـ حبة لفت.
ـ حمص.
ـ ملح.
ـ فلفل أسود.
ـ زيت.
ـ ماء للتمريق.
ـ كرافس (كمية معتبرة).
ـ معدنوس.
ـ الفارميسال.
طريقة التحضير:
نحضر الجاج

نحطو في كاسرول و نضيفلو بصلة مرابية و كرافس مقطع و شوي زيت و ملح و فلفل أسود و نخليه يتحمس على نار قليلة كي يتحمس نضيف الخضر

و من بعد نمرق و نضيف الحمص

نخليه فوق النار حتى يغلى نقصو عليه النار
من بعد كي نشوفو الجاج طاب نحوه و نفتوه

و بعدها نتفقد الخضر ادا كانت طابت نطحنوها بلامولينات

و كي نكملو نطحنوها نرجعوها للمرق

نروحو نجيبو كمية من الفارميسال

نضيفوها للمرق و نضيفو معاها الجاج اللي كنا قطعناه قطع صغيرة و نحرك خطرة و نخلوها تغلى 3 دقائق أو 4 و نطفي عليها نستناو وحد 10د قبل التقديم باش الفارميسال يتشرب لاصوص و كلمسة اخيرة نضيفو المعدنوس و هاهي واجدة

ان شاء الله تعجبكم

الله يسلمك أختي
شوفتيني بمرورك

ممممم تبان هايلة
سلمت يداك

بارك الله فيكن أخواتي على المرور الجميل