كما تعرفون جميعا المولود الجديد في حاجة الى عناية كبيرة تتعلق بصحته و نموه بشكل جيد و حتى نظافته
و بما انني امر بهذه المرحلة ارتايت ان اضع هذا الموضوع حتى نتشارك جميعا عاداتنا و تقاليدنا في هذا الخصوص
و كذلك حتى نطرح المشكلات اللتي يعاني منها المولود الجديد لعل و عسى نجد الدواء هنا دون اللجوء الى الاطباء
لذلك اتمنى ان يلقى موضوعي مشاركة قوية و ان لا تبخل علينا كل ام بما لديها من خبرة و معلومات في هذا المجال
كما اتمنى ان يثبت الموضوع للفائدة
دعونا نفتتح الموضوع باول شيء تقومو بيه عند ولادة الطفل ……….؟
مثلا عندنا يطيبو الشيح بعد غسله في الزبدة السامطة و يقولو هذا فطور البيبي يشرب منه مغرف صغيرة الصباح على الريق باش يخرج منه اي شيء (سباوات) و هو ماشربه اثناء الولادة من امه
و في الليل يدهنوه بالزيت باش يعيا و يرقد بلا ماننساو القماطة ( اللفافات )
في انتظار تفاعلاتكم
لي عودة
أنا وحدة من النساء محتاجة كثير لهذا الموضوع
أرجو أن يلقى التفاعل و أرجو التثبيت
متابعة للموضوع
و لي عودة
موضوع جميل جدا بارك الله فيك
عندنا البيبي كي ينزاد مانعطيولو والو غير الماء وحليب امه ويمكن تيزانة خفيفة
الام يقومو بها تيزان + عسل ومكسرات +كبدة خاصة ومرق الخضراوات (ليقيم او بويون)
لا تشرب ابدا المشروبات الغازية او الباردة
نديرو عشاء ولو يكون صغير نطيبو فيه الشخشوخة باعتبارها الطبق المشهور في الشرق
وفي السابع نعملو العقيقة
البيبي نشربوه شوي ماء معاه شوي سكر وندهنوه بزيت الزيتون
وكي تخرج الام من المستشفى نديرو عشا كسكس او شخشوخة
اليوم السابع نديرو السبوع كاين اللي يذبح ويعرض الناس
وكاين اللي يدير غير بالجاج واحتفال عائلي صغيركل واحد ومقدورو
و ماء زمزم
و كاين لي يعطيو البيبي زيت الزيتون
باش يخرج السباوات
وهو في المشفى
فيما يخص القماطة و زيت الزيتون كيما قلت كل ليلة
انا المشكلة تاعي انو بنتي كيما ترضع الحليب تتقياه و تتقيى معاه السباوات
و اذا بقاة كيما هاك ماغاديش تزيد في الميزان و زيد متشبعش على هاذا راني معاونتها بالكروية و البسباس و الحلبة
قالولي زادت شاربة من كرشك بصح الحالة راهي طولت
قولولي الله يخليكم كيفاش ندير لهاذو السباوات