سلفتي كان وليدها مريض حبيت نطمئن عليه و نعمل الواجب طلبت من زوجي يجيبلي الرقم من عند زوجها …و اتصلت بها الأمس …06 نتاع الإتصالات بدون إجابة قلت بالاك ماعرفتش الرقم بعثتلها ميساج قلتلها انا…..و رحت ليها للبيت ما فتحوش الباب …في المساء عمل زوجها إتصال مع زوجي قالو راهي سجلت الرقم عندها و ما كانوش في الدار ….عاودت اليوم الإتصال قلت قبل مانروح ليها بدون رد و أي إعتبار ….انا ما بيني و بينها حتى حاجة و ربي شاهد …ما عدا مرة قاتلي عزوجتي الكرسي راهو خلاتهولك…ما تقولش عليه علما انها كانت ساكنة معايا و رحلت … قلت لعزوجتي…لا راهي طلبت على الكرسي تاعها و بالفعل مرة كنت عندها وقاتلي الكرسي راني نسيتو …..مافهمتش هاذ التصرف منها علما اني كنت رايحة انا و ماما عندها وهي كان على بالها بهاذ الشي …كان على الأقل ترد على الميساج تاعي و إلا تتصل ما فهمت حتى حاجة…ارجوكم إذا عندكم حل كيفاه نتصرف في هاذ الموقف لأني محتارة ..خايفة نكون ظالمتها …و نفس الوقت خايفة نكون مغفلة
عيطتي ورحتي ومحبتش تحل عليك يسمى المشكل من عندها
متزيديش تعيطي ولا تروحي
حتى تفوت مدة وجربي تعيطيلها اذا مهزتش معنتها زعفانة منك
ولا شوفي عجوزك عيطيلها وقوليلها الحكاية وشوفي ردها
ومتكبريش الحكاية خليها في حدودكم الضيقة ياك على بالك الناس طلع وتهبط
وربي يهدٌي النفوس
يروح راجلك ويشوف حكايتها ياخي راهو خوها متقدرش تقفل الباب في وجهو
وانت ماتروحيش مع امك حتى تبان الحكاية وتتضح الامور
حنونتي واش ننصحك روحي فتشي علي النمامة لي دخلت بيناتكم راهم عادو كاين عباد سبيسيال لنميمة ومعاودت لخبار