المقادير:
كمية من البطاطا مصلوقة وممعوكة
ارز مصلوق
جزر محكوك غليض
حبة افوكا او ممكن تعويضها بالجلبانة مصلوقة
باربا مصلوقة
طون
مايونيز
ملح وخل وحبات زيتون
فروماج محكوك
االطريقة:
نعجن البطاطا مع ملعقة كبيرة مايونيز وناخد قرص دائري نمونطي فيه السلطة
نسرح البطاطا مزيان ونطلعها حتى مع الجوانب
من بعد ناخد الارز ونضيف له شوية ملح وابزار وخل و2 معالق مايونيز ونخنلطوه مزيان
ونعملوه فوق البطاطا تم الجزر نضيف له خل وملح وابزار ونسرحوه فوق الروز
تم ناخد الطون ونعملو طبقة منو فوق الجزر تم نضع فوقه لافوكا او الجلبانة ادا ماتوفراتش لافوكا
تم طبقة من الباربا بعد مانعملو لها شوية ملح وابزار فقط
تم نغطيو بما تبقى من بطاطا وندهنوها بالمايونيز مزيان ونزوقوها حسب الرغبة
انا زوقتها بيالبيض مصلوق والزيتون وخيار والمايونيز ضفت ليه شوية كيتشاب باش يعطي لون زهري
ونزلتها في طبق فيه شوية خس وطماطم
اتمنى تعجبكم لانها كتجي فعلا زوينة في المنظر فاش كنقطعوها كيجيو طبقات الالوان تفتح النفس
وكدلك المذاق هائل
ملحوظة:انا استعملت مايونيز منزلي الصنع خدمتو بدانون طبيعي
و3 فرماجات وملعقة صغيرة موطارد مع شوية ابزار وملح وخل والزيت عينك ميزانك
عملت كلشي في مولينيكس ماعدا الزيت وبديت نخلط ونضيف الزيت على شكل خيط حتى عقد
و كما قالت لينا ….وشنو الباربة المصلوقة؟؟
و تسلمي يا الفحلة…
أكيد طبق يشهيييييييييييي
مشكورة حبيبتي على الوصفة الجميلة
حبيبتي لينا الباربا هي البيطراف
حبيبتي بدرة ايه المايونيز عملتو بدون بيض هاد الطريقة زوينة وقليلة السعرات الحرارية
سررت بتواجدك في موضوعي وردك الراقي