عذرا حبيبتي المقادير كانت مكتوبة في الصورة والصورة الاولى مافهمتش وين هي هههههههههههه
المهم اليك المقادير
رطل فرينة مغرفة زبدة 4مغارف زيت عضمة مغرفة خميرة مغرفة ملح مغرفة سكر سينوج وتحطيهم فالبتران لاعندك وتزيدي الما بشوي حتى تتحصلي على عجينة طرية اعجنيها هكاك 10دقايق منبعد خليها تخمر والباقي راهو فالكيفية
عمل عجينة الهامبيرغر
ما عليك الا بعجينة 10 دقائق كل من جربتها بالمنتدى طارت من الفرحة و ولَات
هاذي العجينة المالحة:
المكونات الاولى:
– كاس فرينة
– كاس و نصف ماء دافي
– 2م.ك حليب بودرة
– 2م.ك سكر حرش
– ذرة ملح
– 2م.ك خميرة الخباز
خلطيهم بالباتور و خليهم يرتاحو 10 د
المكونات الثانية:
1/4 كاس زيت
3 كيسان فرينة أو حتى تتلم
ضيفيها لها بعد ما ترتاح و اعجنيها مليح خليها 2 د
و ابداي اخدميها كيما بغيتي
تجيك مفشفشة و قطنية يميييييي
العجينة الحلوة زيدي على الاولى: 1 م,ص خميرة حلويات + لافاني + 4 م, ك سكر
و بالصحة و الهنا