للمرق
بصل مرحي
حبة طماطم مقسومة نصفين
فص او اثنين ثوم
2 حبات جزر
حبة خردل او لفت
دجاج حسب افراد العائلة
2 حبات الى 3 جريوات او كورجات
ملح + فلفل اسود+ كسبر+ توابل حسب الرغبة
فلفل حار
الحشو
لحم مرحي
1حبة بيض
بصلة مرحية
2 الى 3 سنات ثوم مرحية
خبز مرحي اختياري تقدري ديريه تقدري مادريهش
ملح+ فلفل اسود "توايل ديري لتحبي"
التحضير
تحضير الرشتة
نحط الرشتة في قصعة و نزيدلها شوية ملح و شوية زيت و نحطها تفور
بعد ماتفور التفورة الأولى نسقيها بشوية ماء و نزيد نحطها تفور للمرة الثانية
بعد ماتخلص تفور نحط فيها شوية زبدة
نقطع البصل و الثوم و نحطهم في القدرة و نحطلهم قطع الدجاج مع الملح و الفلفل الاسود و الزيت و التوابل و نقليهم ثم نضيف بقية المقادير ما عدا الجريوات و نزيد نقلي شوية ثم نمرق بالماء السخون و نخليهم يطيبوا
في هذه الأثناء نحضر كريات اللحم
بخلط جميع المكونات مع بعض و نكورها و نقليها في الزيت "نحمرها مش شرط نطيبها لأنو راح نحطها في المرق تكمل طيابها" و نفس الزيت نقليو فيها حبة نتاع الحار
بعد مايطيب اللحم نتاعنا نحيه و نصفي المرق و نضع فيه كريات اللحم + جريوات و نخلي جريوات طيب و مبعد نطفي على المرق
نجيبو مول تاع الكوشة نحط فيه الجاج نتاعنا و نلوح فوقو الزيت لقلينا فيها كريات اللحم و الى الفرن حتى يحمار الدجاج
نحي اللحم من المول و نقص منو شوية زيت
نرجع للمرق بعد ماتكون طابت الجريوات نقص منو كمية والكمية لبقات نزيدلها الرشتة تغلي غلية وحدة و نحطها في المول و نزيد نحط فوقها الفلفل الحار لقليناها و نديرو فوقها مكعبات صغيرة من الزبدة"الزبدة تزيديها ولا ماتزيديهاش كيما تحبي" و نحط فوقها طراف الدجاج و الى الفرن حتى تتجمر "الفرن نشعلوه من تحت"
تم يقدم تقدري تديري حتى التريدا ولا التليتلي بنفس الطريقة
و بصحتكم اخواتي
ماشاء الله تسلم الايادي حبيبتي
ان شاء الله نديرها
امممممممممممممممم