حابة النصيحة 2024.

السلام عليكم اخواتي المحبات
انا راني مليت من المشاكل الي بيني وبين خطيبي علابالكم كامل بالي البورتابل يخسر ويكثر المشاكل بين المخطوبين وانا وحدة منهم عادت المشاكل بسبة وبلا سبة مالقيت حل

انا نحب راجلي ومانيش حابة نخسرو انصحوني مع العلم انو هو الي والفني يعيت ب 061 ديما ودرك جبد روحو يهتم بحوايج بزاف وانا اخر حاجة عاد يخمم فيها
زواجي قرب مابقالي غير شهر ولا زوج وراني خايفة بزاف تبدى المشاكل من اللول حابة نحط حد على هادي تقابدت معاه وقلتلو ماتزيدش تعيطلي خلاص
16 في هاد الشهر نقفلو عام على خطبتنا وكنت حابة نحتفل معاه وعندي شهر وانا نوجد
مع العلم انو مايهتمش بهاد الحوايج خلاص هادي 3سنين وانا نعرفو ما يتفكرش حتى عيد ميلادي وكتاش
مالقيت ماندير
علابالي رويتكم انا نفسي مانيش فاهمتها مع العلم اني 21 وهو 34
عاونوني الله يخليكم بالنصيحة راني قريب نهبل

السلام عليكم و رحمة الله تعالى و بركاته
شوفي أختي هدا إدا على حاجة يدل أنكم تحبوا بعض نقولك علاش التليفون راه يسبب المشاكل خاطر واحد كي يحب واحد يحب يحكي معاه يشوفو يشوف تصرفات تاعو و بزاف أمور و هاد الشي راح يدير ضغذ لكل واحد فيكم مع العلم انو ضغط لا إرادي المهم و انتِ كي قلتي جبد روحو لالا انت قلتي مزال شهر للعرس معنتها يكون مشغول معليش بعدو شوي على بعض هكدا باش نهار العرس تكونو توحشتو بعضكم بعض و ربي يدوم المحبة و يهنيك معاه و بإذن الله ما راح رايحيين يكونو مشاكل بعد الزواج ان شاء الله
ربي يوفقك

ربي يحفظك الاخت الكريمة حبيت نوضح برك ماراهو يوجد للعرس ماوالو كلشي يديرو فيه دارهم احنا موجدين كلش مالقيناش غير الكراء كون نلقاو نتزوجو طول والمشكلة الاكبر مايحوس ما يغلب روحو وكي حوستلو انا لقالي ميات حجة باه ايفيتاه والله ما لقيت ما ندير معاه

أك فهمت المهم أنت سيي معاه غير بلعقل عَنِ النَّبِيِّ صَلَّى اللَّهُ عَلَيْهِ وَسَلَّمَ ، " مَا كَانَ الرِّفْقُ فِي شَيْءٍ إِلا زَانَهُ ، وَلا نُزِعَ مِنْ شَيْءٍ إِلا شَانَهُ " . إدعي
روحي غير بشوي و ان شاء الله ربي ييسر
موفقة أختي

السلام عليكم اخواتي كيفكم وبالنسبة لك يا اختي ادرسي الموضوع معه ولا تستعجلوا الامور تاكدي من امره ان كان جادا ويحبك ام العكس اساليه ناقشيه وجها لوجه صلي صلاة الاستخارة المهم ان تتفقا واتمنى لك السعادة ربي يريح بالك ويهديك الى طريق الصواب ويجمع بينكما على خير

اختي متستعجليش الزواج ماشي ليلة راه مسؤلية وحياه خليك رزينة ومتسمعيش غير لقلبك سمعي حتى لعقلك فكري مليح
وربي يجيبلك كل لي فيه الخير

و الله ياأختي نظن المشكل هادا رانا نعانو كامل منوا و السبب الهاتف,احنا النسا نحبو نحكو بزاف لكن الرجل ميحبش يحكي.و إنتي راكي تقولي تعرفيه 3 سنين و 3 سنسن راهي عشرة و كي بقالك 2 شهر على العرس بانولك هادو المشاكل .أنا واش نقولك نحي هاد التوسويس من راسك و الله غير أحياني يصرالي كيما أنت لكن نعارد نخمم نلقى روحي أنا الغالطة.التلفون ماهوش معيار حتى نتي عزي روحك شوية و الله أحيانا تنفع اللامبالاة ليك و ليه.و حاجة الكرا لراكي تعرفيه 3 سنين و لكان معلابالكش بلي فحل و شاطر و يفرحك في المواقف الصعبة متقعديش معاه.انعلي بليس و صبري و درك تلقايه لقا الكرا و كرالك إنشاء الله و ربي يهون