السلام عليكم اخواتي اليوم جربت قلب اللوز للاخت الكريمة نوالو(جزاها الله خيرا ) وجاني هاييييل من اول مرة 
وكنت طبقت وصفة اخرى وكانت ناجحة ايضا (الصورة لفيها السنيوة نتاع الشاي ) بصح جاتني وصفة الاخت نوالو سهلة لانو يطيب مباشرة والوصفة لجربتها مقبل نخليها تبات ..واسمحولي مانعرفش نحط الرابط بصح راهي حاطاتو في قسم الحلويات (قلب اللوز ساهل ومضمون 100ب100)وراني شفت بلي الاخت ام كوثر هي ثاتي جرباتو وصلح وجاها هاييييل ونضم صوتي ليهم ونقول جربوه راه ناجح 100ب100
ماشاااااااااااااااء الله سخفتييييييييييني و الله روووووووووووعة
ام ممممممممممممم شهيتيني يعطيك الصحة اختي
من فضلك اختي ميمي اعطيني الوصفة باش انسيها وراني حابتها في اقرب وقت شكرا
ياختي ايشهههههههههههههههههههههههههههههههههي
ياختي ايشهههههههههههههههههههههههههههههههههي
مرورك الرااائع اختي حبيبة زوجي مشكووووورة
يسلمك اختي صارة183جربيه راح يجيك هاييييل
الوصفة اختي جزائرية وفحلة هي 2كيلات سميد يكون خشين ( انا لدرتو متوسط لكن الخشين احسن طبعا)–كيلاسكر خلطيهم مليح مليح لازم تخلطيهم مليح حتى يولي السميد يبرق (انا نديرلو قرصة ملح )منبعد زيديلهم نص كيلا نتاع الزيت وخلطي كيما نعاودو الطعا م يعني كيما تخلطي المقروط منبعد كيلي كيلا ماء وماء الزهر وبداي ترشي فيه ودايما خلطي كيما نخلطو الطعام ثم كوري شوية اذا تكورتلك حبسي ماتزيديلوش الماء حتى والا ما كملتيش الكيلا ادهني البلاطو نتاعك بشوية زيت وحطي الخليط نتاعك والا حبيتي احشيه في الوسط وسقميه ملفوق بضهر المغرفة بعدما ديريها فالماءبلا ما تضغطي عليه بزاف غير بلعقل وديريه يطيب في الفرن على درجة 200ويشدلك حوالي ساعة واكثر شوية غير تشوفيه حمارلك ملتحت شعليلو الفوق وحمريه مليح ونسيت حاجة لازم الفرن تسخنيه مسبقا يعني تشعليه قبل ما تبداي الخدمة وتاني توجدي الشاربات وتخليها تبرد وفيها نص لترا ماء +250غ سكر تحطيهم يغليو 10د او اقل وطفي النار وتضيفيلهم نص كاس نتاع ماء الزهرومباشرة وهو ساخن منالفرن شربيه بالشاربات وخليه يشربها مليح ……….راني حاولت اختي اني نوصلك الوصفة بكل تفاصيلها نتمنى اني نكون وفقت واذا حبيتي تفاصيل اكثر مع الصور شوفي في قسم طياب رمضان راهي حاطاتو اختي ام كوثر وحاطت رابط الوصفة الاصلية.ملاحظة (انا الكيلا لدرتها جاتني سنيوة صغيرة فيها 27سم وشربتلي كمية الشاربات لدرتها كامل يعني الا كانت الكمية كبيرةنتاع قلب الوز زيدي كمية الشاربات وماء الزهر مثلا لترا ماء لازملها 500غ سكر وكي طيب زيديلها كاس ماء الزهر وهكذا)وبالتوفيق
صباح الخير عليكم
يعطيك الصحة يا ميمي بصح و الله غير اليشهي عند الحق موسيو الا حليتي حانوت راكي تديها لصحاب طوابل نتاع رمضان
بصح نشهدلك في حاجة و تسحقي علها نجمة التميز
انك تكتبي الوصفة و تشرحيها حتى الي معندهاش القانة باش تطيبها تتشهى وتفتحيلها النفس مباشرة وتحاول طبقها ميمي 
راكي قافزة الله يبارك و يزيد و بصحتكم القلب اللوز
يعطيك الصحة يا ميمي بصح و الله غير اليشهي عند الحق موسيو الا حليتي حانوت
راكي تديها لصحاب طوابل نتاع رمضان بصح نشهدلك في حاجة و تسحقي علها نجمة التميز
انك تكتبي الوصفة و تشرحيها حتى الي معندهاش القانة باش تطيبها تتشهى وتفتحيلها النفس مباشرة وتحاول طبقها ميمي راكي قافزة الله يبارك و يزيد و بصحتكم القلب اللوز الله يسلمك اختي زهرة مشكوووووووووووووووووووووورة كثيرا على الكلمات الطيبة 
هذامن ذوقك الرفيع حبيبتي.(ورانا هنا باش نفيدو ونستفيدو من بعضانا )وانت ايضارائعة خفيفة الضل و طيبة اللسان 
.فبارك الله فيك وربي يحفضك ويخليك لعائلتك ولينا منووووووووورة دائما
يعطيك الصحة