اعجبني الموضوع في منتدى كانت طرحته اخت نشكرها بزاف وعجبتني الفكرة حبيت ننقلها لاخواتي الكريمات ,شهر رمضان هو شهر الصيام والقيام اللهم بلغنا رمضان يا رب وهنينا يسر لنا امورا قولوا امين
حتى نخل اوقات لقراءة القران وتدبره حتى لا ننشغل بالمطبخ وننسى فضل الشهر الكريم
نبدو الاخوات ان شاءالله في التجهيز حتى لانبذر ونلقاو رواحنا ونقصو ونخبيو الحوايج اللي نقدرو عليها
من منطلق وكذلك جعلناكم امة وسطا لاتبذير ولا بخل
نبداو على بركة الله التدابير
زيد التوابل
الجاج نبداو ان شاء الله نقصو كل مرة بالواحدة
ربي يقدرنا على صيامه و قيامه
لي عودة اكيدة مع التدابير بحول الله
فصل الربيع هو فصل الخضار لذلك نحاولو نشريو بزااف ونخبيو بالشوية في الكونجيلاتور " كما الجلبانة والقرنون …."
وايضا انا نشوي الفلفل والطماطم ونقطعهم ونديرهم في علب صغيرة وكي نحتاج نجبد ديراكت سلاطة مشوية " حميس " واجد غير نحطو شوية في الميكرو ند ونزبد لو الثوم وزيت الزيتون
وايضا نجمد بعض الفواكه مثل الفراولة والخوخ والمشماش في رمضان نديرهم مع فلان الطبقات وغيرها من التحليات
نوجدو الكاوكاو اللوز و….. المستلزمات تاع الحلويات الخاصة بالسهرة
وهذا التدابير لي تقوم بها المراة قبل شهر رمضان رايحة تنقص عليها الكثير من الوقت والجهد وحتى المصروف لاننا نعلم جيدا ان في رمضان داايما الميزانية تكون مرتفعة ومن بعدو العيد والدخول المدرسي لذا لازم على ربة البيت حسن التدبير
كي نتفكر كاش حاجة نزيد نجي ان شاء الله
اما لتحضيراته نحن بالمنطقة ناخذو القمح او ما نستعملوه للفريك لكن نحن نطحنه على شكل دقيق رقيق ونسموه ب زنبو ونوجدو ليه اعشاب خاصة به وللحديث بقية في الايام الاتية