لبارح درت هذه تارت بالليمونtarte au citron شوفو و اعطوني رايكم
*العجينة.. (كما وصفة الاخت لينا11 حفظها الله)
4 كيلات فرينة منخولين +1/2 كيلة زيت+ حبة بيض+1م ك سكر+ باكي خميرة كيميائية و نلم بماء و ماء زهر لكن بدزن عجن نحطها ترتاح 1/2 سا فالثلاجة و نحلها فلمول دائري و نثقبها بالفرشيطة و ندخلها تطيب 180د حتى تحمار شووووية.
*كريمة الليمون…(هذي من اختراعي اقتصدت فيها البيض و جات هااايلة)
ندير عصير 2 حبات قارص +3م ك زبدة فكسرونة و نحطهم فوق النار حتى يغليو(نسيت مصورتش)
من جهة اخرى نطلع 2 صفار بيض + 4 م ك سكر بالباتور امبعد ضيف علهم خليط الليمون و الزبدة و نردهم كامل فكسرونة و فوق نار نخلط حتى تثقال الكريمة و نحيها و نفرغها فوق التارت لي كنت طيبتها و نحطها تبرد فالثلاجة.
امبعد نطلع 2 بياض البيض لي بقالي +قرصة ملح بالباتور و نبدا نزيد 5 م ك سكر عادي بلعقل حتى تلطلع ثلج و كي نحي الباتور تبقى لاسقة فيه كيما الصورة
نفرغ بياض ثلج لي طلعتو فوق الكريمة و نشكل بظهر الملعقة اشكال عشوائية كيما المنقار
و ندخلها للفرن 180د حتى تتحمر المورينغ شوية(عسيها باش متتحرقش) و امبعد حطيها تبرد و قدميها وقت ما شئت
و بصحتكم.
و هذا الشكل النهائي….
صح فطوركم.
الاعجاب يعجبني…….الشكر يسعدني……….دعوة خير عن ظهر غيب تحفزنيييي.
في اتم الروعة اختي
ممكن الوصفة
شكرا لك
ممكن تتكرمي عيبنا بالوصفة
يا احلى من العسل
بصحتكم اختاه الوصفففففففففففففففففففففففففففة من فضلك انا من عشاق الليمون
هايلة بزاف مدا بيك متنسايش حقي 
:63976_ imgcache:مشكوراااات على الردود لي طلع المورااال