انا وامي بالمطبخ 2024.

السلام عليكم اليوم دخلت للمطبخ لمساعدة امي في الطبخ حضرت 3 اطباق حبيت نشاركم فيها :
1-شوربة فريك بالخضار
2-غراتان سلق بالبطاطا
3-سلطة
نبداو بالشربة فريك
المكونات :
قطع لحم
2حبات كبار جزر
2حبات بطاطا
حبة لفت حبة قرعة
بصلة -فلفل اسود -ملح- عكري -حشيش مقطفة
طريقة التحضير نغسل الخضار نضعهم في قدر نضيف اللحم والخضار والتوابل وملعقة كبيرة زيت نباتي [IMG][/IMG] نغليها تتقلى شوية على نار هادئة ثم نمرق بالماء الساخن ونضيف الفريك اللي نكون غسلتو وضفتلوا شوية زيت [IMG][/IMG]نغطي القدر نخلي الخضرة طيب على نار هادئة [IMG][/IMG] ممبعد كي طيب الخضرة نرحيها و نخلها لمدة 5 دقايق نقطع شوية حشيش مقطفة ونضيفها لشرة ونطفي عليها وهكدا نكون كملت الشورب نتاعي

ننتقل للغلراتان
المكونات:
3ربطات سلق
حبات بطاطا للقليان
4بيض
ثوم
زيت
توابل : ملح/ فلفل اسود
نبدا بسم الله

نقطع السلق نغليه [IMG][/IMG]
في تلك الاثنا نقطع البططا سواء مربعة او دوائر على حساب ذوقك [IMG][/IMG] نصفي السلق نقليه مع الثوم نضيف الزيت ملح- الفلفل الاسود ونجيب طبق يدخل للفرن بيركس نضع طبقة بطاطا ثم طبقة سلق ثم طبقة بطاطا نضع البيض ملفوق و القليل من الشابلور ندخلها للفرن باش يجمد البيض
الشكل النهائي
[IMG][/IMG]
السلطة
[IMG][/IMG]
سلطانة المايدة الشوربة
[IMG][/IMG]

اللهم احفظ أمهاتنا وآباءنا والله لا أتصور البيت بدونهما………
بصحتكم اختي اطباق تشهي شكرا

شوفي راني بالبرطابل من بعد نقلك

الله سبحانه و تعالى يعطيك الصحة على الماكلة تشهي باينة شاطرة و شكرا لوالدتك الي علماتك

ربي يحفضهالك يارب وجميع امهات المسلمين ويعطيك الصحة على الاطباق فحلة

ما شاء الله غاليتي كم فرحت لثمرة اختي الغالية زرعت فحصدت الله يبارك ربي يحفظ امهات المسلمين
الله يبارك ام عبد الحق و الحمد لله عادت لنا بقوة

ماشاء الله
بصحتكم
ربي يحفظ امهاتنا
و الحمد لله على شفاء اختنا ام عبد الحق العاصمية اي والدتك و عودتها لناباطباق بنينة

ما شاء الله ربي
يحفضلك الوالدة ان شاء الله .

بوركت حبيبتى وحفظك من كل سوؤ واتمن ان تكون امراة صالحة وناجحة ولقد استمتعن بلفطور ياقرة عيني وهنتني وعرفت بان المطبخ متعب ولكن ماجورة عند الله اللهم صل وسلم علي حبيب المرسلين