الى كل سكان شلف أريد المساعدة أرجووووووكم 2024.

و الله انا من الشلف مي و الله ما سمعت بها
مي نسقسيلك ان شاء الله و نقلك
ربي يوفقك و يكمل واش متمنية

أنا كنت ساكنة في شلف بصح سمعت بلي البرارك دير الأمراض والله أعلم

حتى أنا من الشلف بصح عمري ماسمعت بيه
نوعدك نسقسيلك و نردلك الخبر عن قريب

moi aussi men chlef mais masma3tch biha et je ne pense pas que kayna hadi w nzid nsaksilek

انا من شلف كاين منها تشري براك و تحطيها في الأرض لي راكي حابتها
بصح منعرفش شكون يدير هدا شي. ان شاء الله تصيبي لي يساعدك

السلام عليكم راني جيت نساعدك ياأختي
نعم كاين في شلف بالظبط المصنع جاي في إم الدروع و الشركة سموها soprak
سقسيتلك و قالولي تروحي عندهم و تتفاهمي معاهم و هوما يخدموهالك و يركبوهالك و قالولي F3 تستقاملك بوحد 20 مليون و الله أعلم نتي زيدي سقسي
و كاين و حداخر في بوفاريك
و قالولي كاين الي يحوسو يبيعو برارك قدم
و ربي يسهل زيدي سقسي و شوفي
اسمحيلس على التأخير

السلام عليكم
اختي أم منذر صحيح كل واحد ادرى بحالته والله يعين الجميع
لكن ننصحك لا تلجئي لهذه البرارك يا اختي انها خطيرة جدا على الصحة
يعني عندهم مدة صلاحية معينة وبعدها المادة اللي في الجدران نتاعها تصبح مسرطنة وتسبب ايضا الربو
وكما قالت الأخت 20 مليون سومتها اف 3 انا رئي 20 مليون تعملي بيها زوج بيوت فقط صحيين ودايمين خير من براكا 10 سنوات وتنتهي صلاحيتها وتهدد بالمرض
الله يكون في عونك وزيدي اسألي مليح عن المواد اللي يصنعومنهم البرارك
ولا انصحك تشري القديمة طبعا لانها خلاص مستهلكة
وإذا لقيتي معلومات دقيقة عن الموضوع ارجوك ساهمي بيها لاخواتك ممكن معلوماتي قديمة او تغيرت التقنية التي يصنعون بها هذه المنازل
وربي يسكنك فسيح جنانه يا رب

صح جبتلك الإجابة لكن أختي أناأيضا لاأنصحك بها