الى الاخوات خاصة ام اياد 2024.

السلام عليكم
حبيباتي حبيت نسقسيكم على جهاز دودو سليمر هل صحيح انو يساعد على شد البطن و التخلص منه
انا شفت ام اياد قالت انها رايحة تجيب واحد حبيت نسقسيها هل مليح ولا خسارة دراهم و دعاية فقط الله يخليك قولولنا على تجاربكم معاه

حياك الله

ان شاء الله تفيدك الاخت يرفع

السلام عليكم …اختي انا عندي واحد يشبهلو وسمو توتال كور total core اكتبيه في عمي قوقل تشوفي تصويرتو …يتشابهو في كلش الاسامي برك ماشي كيف كيف …شريتو من العلمة ب 4500 دج
المهم انا ننصحك تشريه ..درت بيه ولات كرشي في ظهري ههههه بصح لازم ديري بيه كل يوم و تبعي التمارين لي يجيو فالسي دي لي …ملاح بزاااااف …و كون تقدري ديري صباح و عشية ديري …زيادة الخير خيرين هههههه..هي حكايتها 10 دقايق
ان شاء الله نكون افدتك حنونة …

حبيبتي أم نيفين قصدك 400 ألف و الا 4 ملايين ههههه

ادا كاش وحدة شافتها فالعاصمة تقولنا و تجيبلنا السعر ربي يجازيكم

مشكورة ام نيفين على هذه المعلومة نظال نحوس في عمي القوقل على سعر total cor في الجزائر وما نلقاش
بالصح اللي كاين في العلمة دوريجين و لا مقلد؟

السلام عليكم
حبيبتي الساعية للجنة 400 ألف برك ههههه كون جا ب 4 ملاين نروح نشري تابي هههههه
حبيبتي فيض المحبة انا لي شريتو مكتوب توتال كور بصح أصلي ولا مقلد الله أعلم ههههه انا المهم ساعدني

ههههه عندك حق الله يرضى عليك اختي الطيبه و توقيعك مؤثر ياا الله ربي يرزقنا حسن الخاتمه آآمين تحياتي حبيبتي

آآآآآآآآآآآآآآآآآسفة حبيبتي علابالي طولللللللللت عليك بزاف و الله كانت عندي ظروف ما قدرتش ندخل
المهم أنا ماجبتش الجهاز راجلي كومونداه بصح كثر على شهر كلما يروح يقولو مول الحانوت مازال حتى كره راجلي و ما حبش يزيد يروح هههههههههههه أنا راني في أقصى الجنوب و الحاجة توصل روطار حتى الجورنال يجينا بايت هههههههههه
جربي اللي قالتلك عليه الأخت ما يهمش اصلي ولا مقلد المهم يجيب نتيجة

شكرا جزيلا