الكريمة الطاجزة 2024.

السلام عليكم
ارجو منكم الرد في القريب العاجل

هل المقصود بالكريمة الطاجزة هو القشدة الطرية
كمان فيما يخص القشدة الطرية وجدتها في المحلات متماسكة يعني مش زي لي نشوفها في الوصفات فهل هي نفس لي تكون سائلة

الكريمة الطازجة ليست هى القشدة الطرية و اللى تتباع عندنا تكو ن تقيلة شوية و ادا حطتيها على النار تسيح و هى ماشى الحقيقية مصنعة اما الحقيقية انتاع الخرج تتباع عندنا لكن غالية لهادا انا فى الطبخ نعوضها ب عندما نشرى الرايب انتاع البقرة ننزع الطبقة الدهنية اللى على الوجه و نستعملها تعطى نفس النتيجة

اهلا حبيبتي الكريمة الطازجة تجي في علب متل حليب كانديا وهي سائلة ولكن تقيلة شوي وتعمليها في اطباق او حلويات انا نستعملها لاتنين وهاد الصورة نتاع العلبة اختي

العلبة الي بلون اخضر ومكتوب عليها بالاحمر hopla
لسعرها فقط 20 وهادي نتاع نصف لتر ولكن تكفي تقعد عندك تستعمليها اكتر من مرة لان بسرعة تتخفق للحلوى وتجي تهبل

ايه واكيد يوجد اكتر من ماركة هادي اقل سعر فيهم يوجد ماركة فرنسية لكن للامانة طعمها رائع واحسن بكتير ولكن ربع لتر تلقايها اغلى من هادي جربتها مرتين
وتلقايهم في المحلات الي شوي كبيرة ماشي بجميع المحلات طبعا

لقد فدتوني كثير
انا حتجيت الكريمة الطاجزة باش ندير طرطة شكلاطة من اجل عيد ميلاد زوجي
حبيت نديرقناج بشكلاط ونطلي بها الطرطة

اختى انا نعمل جاناش ندوب الشكولا مع علبة ياوورت تجى مليحة

اختي fafa
ممكن

ممكن تعطيني الطريقة لي درتي بها الجاناش

سلام اختى انا ندوب الشكولا عادى و نضيف لها علبة ياوورت فى حمام مريم و نخلط حتى يتجانس لكل طابلة شكولا علبة ياوورت ادا كنت تحبيه خفيف شوية و ادا حبيتى اثقليه زيدى كمية الشكولا و عينك ميزانك ادا عرفتى ادوبى الشكولا راح تنجحى فيها و ممكن اضافة الكاكاو شوية لتعزيز النكهة

اختي القشدة الطرية هي نفسها شانتي
الفرق هو ان القشدة الطرية سائلة والاخرى كريمة