هاد القريوش المعتمد عندي خديته من ميمتي ربي يحفضها 2كيلو فرينة/رطل زبدة لابال/2بيض/مغرف كبيرة خمارة خبز/نصف كأس خل/ نصف كأس مأزهر/1 خمارة حلوة/رشة سكرقرصة ملح/ماء /زيت للقلي/عسل وجنجلان/لي تعسال 
نضع الفرينة في قصعة ندوب زبدة نبسس الفرينة بزبدة مليح ونجيبو الغربال ونغربلو بيه الفارينة بعد ما بسسناها باش نتخلصو من الكور .نعمل حفرة نديرو الخمارة ترطاب في شوية ماء دافي ورشة سكر تم نضيف البيض مأزهر الخل الملح 1خمارة حلوة نمزج الكل ونلم الجينة بلماء وتعرفي العجينة ماقاسحة مامرخوفة نعملو كويرات ونخلوها ترتاح ……….نوجدو طابلة آه ونسيت أنانستعمل لرش طابلة المايزينة ….نسرح العجينة بلوراق ونطويها على 3 ونعاود نسرحها شويا ونرققها بل ماشينة نتا سباكتي وشكلي وكي تكملي بداي تقلي بصنيا لأولا ومبعد القلي يبدا تعسال وبصحة وراحة
كأس لي عبرت بيه
ربي يحفظ لك ميمتك
راني اديت الوصفة شكرا لك
صح لقريوش تاع تلمسان بزاف بنينة وتخرج شابة
الله يخليلكم الوالدة يارب