اليوم حبيت نطرح تساؤل و كل وحدة تعطينا رايها و تجربتها
رغم ان الحياة اعمق من هاذ المسائل الا انو المجتمع يفرضها عليك
اييا روح طول
قولولي وحدة كي تدخل عروس كيفاه لازم تتصرف مع أهل راجلها هل تبقى برانية ولاا تخلط روحها و تكون اجتماعية و
تولي منهم و خاصة في المناسبات الاجتماعية, ماليه يعني مش تاع الدار كيفاه تتعامل معاهم
ناسنا متفهميش كيفاه اديري هعهم اذا خلطت روحك يقولو خفيفة و هي عروس لازم تستحي
و ادا جبت روحك شوي و ثقلت يقولو تشنفو تفوخ ومتكبرة
احكيونا تجاربكم او مواقف شفتوها
كي تكوني عروسة جديدة لازم عليك قبل ما تنعتي عقليتك و لا تتصرفي أي تصرف .عليكي في الأشهر الأولى أن تنظري الى تصرفاتهم و معاملاتهم لبعضهم .و عليكي أن تتعاملي مع كل شخص على قد عقليتو.و ردي بالك من الدخاصة الزايدة و الكلام الكثير لأنك راح تندمي مبعد تقل قيمتك و يعفصو عليك.يعني أوضعي حدود بيناتكم من نهار الأول.
هذا الشيء اللي نقدر نقولهولك.علاخاطر مهما كانت العايلة لي رحتي ليها ناس ملاح و كلش ماش راح يكونو كيما عايلتك عارفينلك العقلية وي ساعفوك كي تكوني ماش مليحا و قلقانة.
المهم ياك يقولو ناس عقليات.
سلالالالالالالام.
مادام حكيت على الحدود ممكن تعطينا أمثلة عملية و فعالة لوضع الحدود؟؟ مثال كيفاه تخليهم مايسقصوكش على حاجاتك
الخاصة, و ميعرفوش التفاصيل
أسعدني مرورك في انتظار الأخوات و المشاركة بآرائهن..
– ما تمديش حوايجك من لبسة و لا ماكياج و الا راح يسكنو في الغرفة ديري أي سبب مثل عندي حساسية ما نقدرش نخلط اللبسة و الماكييج
– كي يسقسيوك على حوايج خصوصية أتهربي و بدلي الموضوع سرعة و كي يلحو عليك ديري روحك ما شتيش بلا ما تهدري يعني بتاعابير وجهك
-ا تهدريش معاهم بزاف و تسقسي على أمورهم الخاصة و الا راح يديرو كيفك.
كي يعودو يتناقشو و لا يدابزو فيما بيناتهم روحي لبيتك و أغلقي باب بيتك. و كي يقولولك مثل ياك أنا ألي عندي حق و أشهدي معايا قولي كلمة وحدة ربي يهديكم و ربي يكون صلاح بيناتكم و أسكتي
………………………..و حوايج بزاف
كاش سؤال راني هنا.
أكيد في جعبتك حلول باه مايكرهوكش؟ يعني حوايج تخليهم يحبوك و ف نفس الوقت مادخليهمش لمنطقتك الخاصة
و كش ما زتي نفكرت طرق واحد اخري تاع الحدود قولينا مثال لوكان تكوهي بدارك و يجو عندك كيفاه تتصرفي معاهم؟؟
سامحيني.ما نطولش و نولي.سلام
ف انتظارك و تجارب الاخريات
وتساؤلك في محله
انا في راءيي على حساب عبية راجلك
يعني ككتتعودي عليهم تعرفي واش من نوع هم
واش يفضلو يعني يحبو المرا لخفيفة ولا الثقيلة
بكن نصيحة من عندي وعن تجربة وكيما قاتلك الاخت لقبلي
ارضاء الناس غاية لا تدرك
مستحيل راح تعجبيهم دايما
وعلى هذا كوني انت ةتصرفي بطبيعتك باش ترضي روحك قبل ماترضيهم
وخلي عندك خصوصياتك ويعدي على الهدرة الزايدا باش يبقى دايما كاين بينكم حاجز يحافظ على القدر بيناتكم
ياك يقولو خير الكلام ما قل و دل . لسانك حصانك اذا صنته صانك و اذا خنته خانك.
ردي بالك من سرك تخرجيه اللي بينك و بين زوجك و ردي بالك تخرجي أسرار دار باباك و عيوبهم . يا والله يديروك مضحكة.و يوليو يشايخو عليك و على ماليك.
صدقيني في وقتنا هذا لازم تكتري من سكاتك باه تتجنبي المشاكل.
و أما فيما يخص كي تكون عندك دارك وحدك و يجيوك هوما.عوديهم أنهم يعيطولك قبل ما يجيوك و هذي نقطة جد مهمة و ما تقوليليش المجتمع تاعنا ما يحبش هذا التصرف.أنا نقلك هذا الشيء راهو جد مهم و لازم تولفيهم من نهار لول و الا طفرت فيك . و دارك تعود ما تفرغش لا من لعباد و لا من المشاكل .تكتر القيل و القال ….و غيرها و هذا الي ماش حابين نوصلولو
– و لازم كي يجيوك ترحبي بيهم على أكمل وجه و تكرميهم و تقدمي أفضل ما عندك و تشايخي معاهم في أمور معينة مثل أمور الدين …و غيرها.
و المهم و المهم ما تهدريش في مواضيعك الخاصة بيك و بدارك و زوجك و كيما قلتلك قبل اذا بداو هما يدخلو فيك أعرفي كيفاه تبدلي الموضوع.
سلالالالالالالالالالالالالالام.
بصح يبقى المشكل كي تكون وحدة ثرثارة كيما حالتي نححححب نحكي و رانا عارفين كل ما تزيد الهدرة يكثر الغلط و الناس تشوفك
خفيفة
ام سرين شكراا على مرورك و لحد الأن متفقين لا للدصارة هههههه