الرجاء اريد مساعدة عاجلة 2024.

سلام انا عندي 24 سنة رحت عند حبيبتي لي تخدم في مكتب تع محضر قضائي و تما شافني و عجبتو و بعد يومين بعثهالي اتسقسيني ادا يقدر يجي يخطب هو عندو خدمتو كيما قلت و طموبيل و عندهم فيلا كل واحد طابق وحدو و بابو وحدو و في عمرو 34 سنة والمشكل الوحيد انو عندو عينو اليسرى بيضة كامل ما يشوفش بيها و اتبان بزاف وكي سقسيت عليه كامل شكرو فيه و في دارهم بلي مربي و يصلي و ناس ملاح على بالي معارفي رايحين يعايروني بعينو حتى لوكان ما نسمعلهمش انا فروحي كي هدرت معاه ما حملتش نشوف فعينو قلبي هرب واش ندير مع العلم صليت استخارة و ما بان والو شكرا

مادام قلبك اهرب …. انساي الموضوع

هناك عملية تجميل يقدر يديرها

حنونة هاد الامر يرجع ليك انت الي راحة تعيشي معاه
اسالي نفسك بعيد عن الطولوبيل وعن الدار وحدو …….وووو تقدري تعيشي معاه وتحمليه
الا كان الجواب بنعم فكل شيء يهون اختي مادام انسان صالح اما ادا كان العكس فاظن مثل ما قالتلك الاحت انسي الموضوع

اختي استخيري ان شاء الله راه يبالك الي فيه الخير
شوفي اختي عندي بنت خالتي جا يخطبها واحد يدو مقطوعة حادث عمل
نهار الول جاتها واعرة بزااااااف وترددت.
لكن في الاخير زووجت بيه وراها عايشة معاه بخير عليها وعندها ولد معاه
ماشاء الله

الا كانت اخلاقو مليحة وشايفتو راجل بمعنى الكلمة علاه ما توافقيش نفرضو بعد ما تزوجتي به صراتلو هد الحادتة ولات عينو كيما قلتي يا ترى تتخلاي عليه يا اختي ما تشوفيش للمضهر وكلام الناس تكلي على ربي ووافقي

الصراحة اختي حد مايقدر يختار في بلاصتك لان الامر يتعلق بك انت اللي ممكن نقبلو انا او وحدة اخرى تقدري انت ماتقبليهش انت عملي استخارة ووكلي الله وهو سبحانه يبين ليك الطريق.حاجة وحدة حابة نقولها ليك اذا كان انسان متدين ومتخلق هاديك اهم حاجة لان كما قالت ليك الاخت ممكن تتزوجي بواحد مافيه والو وتتوقع ليه حادثة بعد الزواج بعد الشر اظن ماغاجيش تتخلاي عليه.

انا صليت استخارة بصح ما بان والو و هو حبني انجاوبو ما انطولش عليه شكرا للجميع

حبيبتي صلي صلاة استخارة مرارا وماتنتظريش تحلمي لا اذا ربي مكتبو لك رايحة تلقاي ان الامور غادية بكل سلاسة وماكاين لاتعقيدات لا والو وتلقاي راسك ارتحتي ليه واذا العكس كلشي يكون معقد وتلقاي بزاف ديال العكس وتلقاي روحك هاربة منو .
ربي يسر امرك اختي ويبين ليك طريق الخير.

اختي صلي صلاة الاستخارة كل يوم وربي يسهلك
الى ارتحت للامر ربي يوفقك ماكاش كيما الانسان الصالح التقي الي يعرف ربي

امين يا رب
وشكرا