الحمد لله و الصلاة و السلام على رسول الله
السلام عليكم ورحمة الله تعالى و بركاته
اليوم حسيت عندي شوي طاقة زايدة هههههه راني درت تشاراك المعسل مدولي رايكم ان شاء الله يعجبكم
العجينة اللي استعملت هي العجينة السحرية la pate magique
تلقاوها على هاذ الرابط
la pate magique الخاصة باستعمالات الحلويات المعسلة و المطلية و المرمدة
فقط الحشو : درت كاوكاو و سكر (ثلت كيلات بكيلة) و شوي قرفة و ديري بيضة ( و اذا درتي غير شوي تقدري تستعملي البياض وحدو او الصفر وحدو فقط لازم ديري البيض باش ما يخرجش الحشو)
اما طريقة التشكيل تاعو هو تحلي العجينة بالرولو ما تكونش رقيقة بزاف و ماشي خشينة قطعيها بشكل مستطيل بالجرارة و ديري خطوط في الوسط كيما نديروا في قريوش شكلي حربوش من الحشو و حطيه في الزاوية الخارجية كيما في الصورة و هاذ الصورة ماشي تاعي للتوضيح فقط و ترولي و ديري على شكل هلال يعني تعطيه شكل التشاراك
و ديريه يطيب في درجة 140 درجة في الرف العلوي باش يطيب من الداخل و كي يتحمر من التحت ديريه في الرف الوسط و حمريه غير شوي من الفوق بعدها خليه يبرد و حمي العسل مخفف بشوي ماء الزهر يكون ثقيل شوي كي يبرد التشاراك عسليه بالعسل يكون دافئ شوي و رشيه بالجلجلان المحمص
و أكيد نستنى أراكم [/CENTER]
بصحتكم
عجبني بزاف راكي شاطرة
ممكن الوصفة و الطريقة
تسلمي حبيبتي يبان روعة