حبيباتي ليوم درت البيتزا للعشاء و جبتلكم تذوقو ههههههه
الوصفة كالتالي…
العجينة صراحة اخترعتها من راسي و جات هاااايلة مااشاء الله 
1–العجينة…
ناخذ 700 غ فرينة+ملح+1م ك خميرة الخبز+ 4 م ك حليب سائل(دافىء)+حبة بيض و نخلط
و نلم بالماء دافىء تكون طرية ندهنها بزيت زيتون (اذا معندكش معليش) و نحطها تختمر بعد ماتطلع نكسر الخميرة و نعاود نخمرها.
2–الصلصة ايضا من اختراعي هههه ….
نحط الملح+الفلفل الاسود+زيت زيتون+عكري حلو+1م ك طماطم+2 حبات طماطم مقطعة صغيرة و نقلي امبعد ندير الماء دافىء و نخليها تطيب 1/4 سا و نطحنها فالميكسور.
نحل العجينة و نحط الصلصة و الزيتون و الماييس و الفلفل طرشي و فرماج شيدار و نحب ندير تونة او دجاج (انا مدرتش حبيتها عادية) و نحطها تطيب.
انا طيبتها في فرن البيتزا لانو سهل و تطيب خير ملفور
و هاهي بعد ما طابت….
يمي يمي جات بنينة 
جربوها و ادعولي بالخير..
يعطيك الف صحة و عافية
فرحني ردك
شكراااااااااااا منورة
ممممممممم راهي باينة بصحتكم
ماشاء الله تبان روعة