واش راكم يا الفحلات نشالله بخير ,,,حبيت تعطوني وصفة للبيتزا كيما الي تتباع في المحلات جربت شحال من وحدة مرة تخرج قاسحة مرة كيما الخبز ,,,المطبخ رجعتو مخبر تجارب بدون نتيجة ,,,اللي عندها الوصفة تفيدنا و ربي يجازيها
انا ندير فرينة و زيت زيتون وسكر و ملح و ماء دافئ و نعجنها مليح ونطيبها في اعلئ درجة حرارة تخرجلي مليحة اللي ذاقوها كامل قالولي هايلة مي ما تلحقش تع البيتزيريات
المهم لصوص دري في بالاك بلي مخلطة بزرودية يعني الجزر
والطماطم تكون اقل منها ثم يطحن الكل
تعملي البصل والثوم والرند والزعتر والطماطم والزرودية وكمون وملح ثم كي يطيبوا اطحني كل شيء بالبرا
والعجين فيها القازوز او الفيشي ماء الغازي
او يعورت طبيعي
خمائر لبانية
500غ فرينة كاس زيت تاع الزيت 2مغارف خميرة 1 سكر 1 ملح حبة بيض
ويخلط كل شيء تكسري العجينة مرتين
وكما قالت ام محمد الفور هو الاساس لانه سخون بزاف بزاف يساعدها تطلع في دقيقة
كذلك كاين اللي يعمل لها المحسن الغذائي وانا واحدة لا استعملها ابدا
من فوق انت واللي عندك في الدار والصح كله في الفرماج بانواعه
كيما قالولك الاخوات كاين شروط
1-الصح في الفرن لازم يكون سخوووووووون و تحطي العجينة في الطبقة الوسطى و الصينية تكون ثقيلة و العجينة ما تحمريهاش
2- نوع الفرينة لازم تكون ممتازة جربت اكثر من 6 انواع فرينة المتداولة عندنا في الاسواق لقيت افضلها تاع " ماما" و جربي انتي ايضا شوفي وش يخرجلك
3- مدة العجن لا تقل عن 20 دقيقة متواصلة و تخمر مرتين
4- و نوع الجبن احسن شي خليط chedar 2/3 + 1/3 gruyere مع تخيري شيدار نوعية اولى راه ب 1200 دج للكيلوغرام مش النوعية الاخرى اللي تشبه صابون طرف
راني تقريبا في عامين ملي اعتمدت وصفة و مش مغيرتها و كيما قلتي كيما تاع البيتزيريا تجي طرية و تهبط من الطرف كي تحكميها
فرينة و زيت زيتون و ملح و خميرة و شوي سكر و تعجني بالماء الدافئ 20 د
عينك ميزانك تقريبا في 3 كيسان فرينة ديري 5 م ك زيت زيتون و م ك سكر و 2 م ك خميرة و ملح
و الصلصة كيما تاع الاخت نوالو. انا ما نديرش الزرودية لكنها تجي بنينة و تنحي حموضة الطماطم اطيبيهم قبل ثم ترحيهم و تستعملي مباشرة بعد نضج العجينة و كثرييييييي الجبن قد ما تكثري تطرا و التزيين كيما تحبي
جربي و خبريني
1كلغ فرينة
كاس شاي زيت او زيت الزيتون
4م اكل سكر
4م اكل بودرة حليب
1م ك خمارةونصف
1بيض
نلمد المقادير بالماء الفاتر نعجنوها مليح ونخولها تخمر في مكان دافئ
عاودي فشيها ةخدمي مليح العجينة بكفك واصابعك باش تخرج الغازات ورجعيها تخمر
في الاخير شكليها وزوقيها على طريقتك وحسب واش عندك
الصلصة لازم فيها حبة مليحة زرودية او ملعقة كبيرة سكر
انا نخدمها تماما كيما استاذتنا نوالو
جربيها واعطينا النتيجة هذه المرة
سخني الفور مليح وكي دخلي العجينة طلعيها شوية الفوق ونقصي قليل من درجة الحرارة المهم كي تدخل البيتزا يكون الفرن مليح سخون
ربي يوفقك حبيبتي
حاولي برك ….أنا ثاني قليل مت تصلحلي ههههه