ارجو المساعدة 2024.

سلام عندي سلفتي الصغيرة راح تولد الشهر القادم وهي تسكن في فرنسا وخالتها رايحة عندها وش نقدر نبعثلها معاها اعطوني اقتراحات من فضلكن مبغيتش تحس بوحدتها خصوصا انها يتيمة الام ماماها ماتت في ولادتها

السلام عليكم
هذاوين شفت موضوعك آسفة لتأخر إجابتي
إن شاء الله تكون مليحة وربي يقومها لى ويسهل لها وضعها ويحفظ لها جنينها المهم تروحي عندها خالتها وما تحش روحها وحدها.
تقدري تدليها معاك حوايج لبيبي بصح علابالي كاين كلش لتما خير من هنا

سامحينا و الله ما شفنا طلبك.
تقدري تبعثيلها الاشياء الغير موجودة هناك و مليحة للنفساء كيما البركوكس او الفريك لانو مليح تاكل الشوربة و الجاري سخون . و تانيك المرمز للطمينة . زيت الزيتون و لعسل الحر ….. ممكن تتوفر هاد الاشياء في فرنسا و لكن تاع لبلاد خير . شوفي وش خصها و بعثيهلها .
ربي يقومها بالسلامة و يعطيك الصحة كي فكرتي فيها . انا غاضتني مسكينة حطيت روحي فبلاصتها لاني مغتربة و حامل دوكا .

ربي يطلعها بخير ان شاء الله اعملي لها شوية قاطو بقلاوة اللي تشد اكثر
حمصي لها السميد لطمينة خاصة الايام او
لى اخدمي لها لحاف من الكروشي اشياد تقليدية تعنا تساوي الملايين تم المهم شيء تقليدي

ربي يسلكك على خير ويسهلك وجميع المومنين امين يارب

اني بعثتلها الدقلة والجوزية والروينة وكادو للبيبي الي هو مفتاح ذهب وغاضتني متفكرتش زيت الزيتون والعسل الحر

شكرا البقلاوة دارولها ربي يحفضك وشكرا

شكرا ربي يحفضك

الحوايج الي بعثتهم ادعولها ربي يسلكها بخير امين يارب

ما شاء الله تبارك الله يعطيك الصحة ربي يجازيك خير. يا ريت تتفكرني بنت خالي او خالتي كيما هكا . انا حتي الحمل ما اتصلو و باركولي مع اني قريب عامين باش حملت . معليش ربي يخليلي ماما و خاوتي و كل الي يحبوني. و ربي يدوم محبتكم اختي.