ارجوكم اطلب النصيحة منكن .فلا تبخلن علي 2024.

يا خواتاتي ضاقت علينا الدنيا و طلبت النصيحة؟
لي اخ يعمل بعيد عن البيت و بحكم عمله (دركي) و استلامه لبيت في مكان عمله اخذ زوجته و ابنه الذي يحبنا و يموت على جدو (بابا)، و التي بدورها ما قصرت في شيء اخذت كل شيء (الدوزان تاعها كامل)، و كي تجي عندنا ضيفة تجبد فراشنا كامل و الي يعتبر خاطي الطريق و الي خوتاتي البنات و الله ميجبدوه, و تاكل من دراهم بابا و حتى ولدها يشريلو بابا كل شيء إلا اللبسة على خاطر بابا على قد الحال، و خويا و لا هي 10 دج ما يصرفوهش، و يما المسكينة و لا أنا نحبوها تحط الحطة و معاها بالنية و هي من النوع الساكتة و الي يضرب التحت التحت.
نهار جابها على خاطر راح ستاج في الجزائر، قعدت عندنا 15 يوم لباس عليها هي راحت عند اهلها و رجعت بوجه اخر تماما و الله تكذبو ، و في العيد تعارك باباها مع بابا قلو تقعد عندك النص ، الوالد قلو ماكانش منها ، و عارك خويا و سمعاتو ولات متشمش في بابا ،و من بعد لقيتها جبدتلي بساطات مخبيتهم باه نديهم معايا بحكم اني مخطوبة و عجبوني نزاف و هم تاع الوالدة خيطتهم لها ، نحيتهم و خبيتهم،
جا خويا راح يرقد شعلت و تعاركوا و السبب علاش و الله منعلم ، المهم وصلت لخويا لدرجة خرجاتو من الدار تالع و الهارب منها، جينا نفهموها و لات دارت على بابا و يما قرقشتهم و كي قلقت يما زاودت معاها الهدرة و هي عيطت لباباها و الغدوا داها خويا لاهلها و ماحبتش ترجعلو.
ومن الهداير تاعها ماعندي فراش ماعندي دار الهنا ، و انتم ماكم عباد نعيش معاكم، و كرهت منكم 4 سنين و انا نعاني و نروح نخدم على يما المريضة و هي امها كي الفرس لابس عليها.
غظاتني هدرتها و قاستني بزاف لدرجة اني تحط دخت و خاوتي 15 د ربع ساعة و هم يفيقوا فيا مافقتش،و هي مطلتش علي و تمناتلي الموت
حارتلي هذه ليقولوا بنت فاميليا و عايلة.ظهرت بيت الشارع خير منها.و قريب تزيد بالثاني و الله كي نتفكرها ندعي عليها على خاطر نشوف بابا و يما يبكيو و الله كرهتها و لا قلبي اكحل كي الفحم.
هو سؤال جاوبوني بصراحة
احنا لغالطين على خاطر دللناها و حلينلها العين؟ على خاطر ماكانتش تعرف تلبس حتى السروال اول مرة لبساتو كي عقد عليها خويا و المكياج و …و….و….
و لا خويا لي حللها العين و خلاها فرضت رايها عليها ولات هي لي تمشي كلمتها عليها؟

والله حرت و احترت جاوبوني راني نستنى بفارغ الصبر

انتوما ما نكمش غالطين كنت على نيتكم و درتوها وحدة منكم
بصح طلعت ما تستاهلش
انا من راي بركاك ما وجعتي روحك خليها لربي و نيتها و ضورك تشوف داركم ازين ولا دار باباها

و زيد بزيادة و الله العظيم كنت انا و يما نحميو معاها درلها المحزمة مدلها المصروف خلاها تخدم اشريها حوايج الحطة و اول مادارت دارت علينا، و كي تقعد معايا نحكيلها بكل شي و هي حاجة متمدها و متحبش الطريق لي تمشاها نكون معاها و لدي المزيد و المزيد
ارجو المساعدة و النصح
تقبلوا مروري

اشكرك اختي وربي يعيشك و الله مين نتفكرها دموعي على خدي
بصح ربي يهديها و يهدينا معاها

والله يا أختي فكرتيني بزوجة أخي أمي وأختي دايما يقولولي عليها تشنف وتحقرهم تهبط ضيفة تاكل وتروح لدارها مغرف ما تهزهاش. بصح أنا كي نروح لدارنا تبدا تشكيلي هي من يما وتبكي تبان مظلومة حتى وليت نقول ليما ربي يهديك يا امي ما تدخليش فيها ودخلتلي في راسي فكرة ان أمي واختي هما اللي غيرو. والله ربي يهديهم شر الناس ذو الوجهين .بالصح صدقيني ربي ليس بغافل عما يعمل الظالمون. وهذا ابتلاء اختي العزيزة من الله اصبرو وادعيو الله لها بالهداية. وبدلو معاملتكم معاها ما تكونوش نية بزاف لان هذا النوع يشتي يستغل الطيبين امثالكم .يقول الشاعر:
إذا أكرمت الكريم ملكته وان أكرمت اللئيم تمردا

ياختي بلا ماتمرضي روحك بنات الفاميليا قلالوا والله هاد الناس ماديال التقلاش والنية.نفس الشي صرا لنا مع مرات خويا خذاها ماتعرف حتى تكتب ولا تلبس وقال هي اللي تقبل تسكن مع الوالدة نتاعي باش مايخليهاش وحدها حيت الوالد نتاعي ميت الله يرحمه.جابها وماما تديها للصالون وتقعد تستناها حتى تخلص وتديها تشري لها حوايج حتى الجينز ماعمروا جا في لحمها حتى شريناه لها وعلمتها انا تحط الماكياج وتلبس باش خويا مايحسش بالنقص اللي عندها بحكم انها امية وماتعرف لا تطبخ لا والو كي نجي نعلمها ماتحبش.وماما كانت معولة تدخلها تتعلم الصنعةودايرتها كي بنتها في الاخير بغات تحرش خويا علينا وحتى خواتاتي في الخارج مامقصرينش معاها قالوا لها انت غير تهلاي في امنا غي بالمعاملة الحسنة مايخصك معانا حتى خير.والله اختي امي سمعت امها بودنيها تتكلم بالشلحة تقوليها راهم كلهم في الخارج وها امه غاتموت وتبقى ليك الدار وحدك.ولكن قليل النية والله مايربح.بقات بقات حتى جابتها في راسها وتطلقت.

وكلي عليها ربي ومدريش في بالك يا ختي راها الامراض تحكم غير من الزعاف وخليها تروح الله لا يردها وصح يقولك متخافش من البحر ادا تقلب خاف من الكافي ادا تحلب ضوفي ياختي مزال تجيها ليام وتندم