أرجو المساعدة 2024.

السلام عليكم ورحمة الله وبركاته
,حبيت نسقسيكم لي يعرف يفيدني جزاكم الله خيرا
ولدي ليام هذي ماهوش يشربلي لحليب خلاص خاطر درتلو التطعيم ومين نعملو قرعة حليب ما يشربهاش ديما نسيح فيه وراكم عارفين لحليب غالي راني نشري فيه 200 ألف بدراهم دزاير,حبيت نعرف قداه المدة باه يفسد لحليب؟؟؟؟هل نقدر نسخنو( نحط الماء السخون والقرعة تا الحليب فوقو ونسخنو ونمدهولو)؟؟؟؟ "au bain marie"خاطر خفت لا نخليه كشما يصرا لطفل

ما تبخلونيش بردودكم

حبيبتي متعاوديش تسخني حليب الطفل ابدا هذي معلومة اخذتها من عند الطبيب لانه بعد فترة من تحضيره يولي مادة خصبة للجراثيم والله اعلم

rabi ykhalik mais manich nsakhen lehlib ndirou fi bain marie wech rayek ma3labalich balak ki maytawelch mayesralou walou hata ana manich haba ndir hatan tfidouni

اختي حاولي انك ديريلو كمية صغيرة برك نتاع حليب كي عاد مايرضعش وباه ما تخسريش لحليب واصبري عليه راها الفاكسا توجعو في اليوم لول يولي ما يحبش ياكل مي غدوة انشا الله يصبح لاباس ويرجع ياكل كي كان وربي يكون معاك

ادا كان لحليب عندو اقل من ساعتين ملي وجدتيه تقدري ديريه في بان ماغي ما يفسدش

سقسيت بنت عمي طبيبة قاتلي مالازمش طولي المدة تكون الفترة قصيرة وديري كمية صغيرة كيما قالت روزالينا باه متخسريش

rabi ykhalikom hbabati,mala ki yweli akal men 2h normale ndirou bain marie ????merci beaucoup pour l’information

حبيبتي كلنا مرينا بهذي المرحلة الصعيبة وانا شخصيا ابني نسخن لو الحليب بطريقة تسخين الماء وتحطي فيه الرضاعة بصح المهم انو ما يفوتش اربع ساعات يعني كون يقعد اكثر من اربع ساعات ماكلاه تسخنيه ثم ان فكرة الاخت الي سبقتني مليحة نتي جربي ديريلو غير ثلاثين ملل برك وشوفي لا شربو زيديه وما تضيعيش الحليب حتى وان كان مش غالي التبذير مش مليح وينك يا كي يعود بحقو
واذا قدرت ادخلي وقوليلي شحال عمرو وليدك
لكان عاد يقدر ياكل وكليه خير يعني اذا كان فوق الستتة اشهر

إن شاء الله البنات يفيدوك …
و أنا رأئي ديريلو غير شوية ..و كي يكملو زيديلو…
ربي يحفظهولك أختي الكريمة

لاحظت هذا المشكل في بنتي كل مانديرلها التطعيم تكره الحليب ونبدللها نوع جديد تشربو لي هذا من تجربتي الشخصية ومشكل ماجي تلقايلها لي يساعدها خليها برك وحاولي بعد التطعيم بنصف ساعة باه ترضعيهااما انك تسخني الحليب في حمام مائي حسب عمرو ولازم الحليب مايجاوزش نصف ساعة انا نفضل تنقصي في الكمية افضل لصحة ابنك