سيلان الدم و الماء ردودكن من فضلكن 2024.

السلام عليكم يا اخواتي انا نهلاء هادي رسالة من خالتي ل كل امراة حامل او ام مرت ب مراحل الحمل خالتي سيدة عمرها 28 سنة حامل في الشهر الرابع و صارلها اسبوع و هي مريضة جدا حكمتها الانيميا و شيء عادي كل مراة حامل تجيها لانيمي زيد ساللها الدم و الماء عليها واش معنتهاا ؟؟؟؟ راحت ل طبيب انتعها قاللها البيبي راهو هابط و لازم ترتاحي لكل من جازت على هادي المرحلة ولا تعرفها تعطينا تجربتها و نتائجها راهي مقلقة حابة تشوف ردودكن راهي عندنا ضيفة قلتلها نحط الموضوع نتاعك و تشوفي واش يقولولك

اللهم ااامين ………………… صراحة هي تضل مرتاحة مي نفسياا ماشي مرتاحة مقلقة بزااااااااااااااااف بزااااااااف راهي قدامي و تشوف الرد ديالكم على اتفه الاشيااء تتقلق زعما ادا مارقدتش في وقتها تنود تبكي و تنرفز و رايحة جاية قلتلهااا الارهاق النفسي ياتر كتر من الارهاق الجسدي

شكرااا لكن حبيباااتي ربي يستركم انشا الله

نعم حنونة وهذا شيئ طبيعي الشهر لرابع عندها اكتئاب لحمل بعد مايفوت هذا شهر ترجع لطبعتها خبريها عندي سلفتي حامل راهي في شهر لثالث كل يوم قلق وبكاء وقاتلها طبيبة حتى يفوت لوحم والشهر لثالث او الرابع يروحلها اكتئاب

اختي نعرف وحدة قريبة حملت معي في نفس الفترة و كانت تهز الثقل بزاف حتى سال الدم منها و راحت للطبيبة قالتلهاالبيبي راه هابط لازم الراحة و ترقدي في السرير يعني لازم لي يقوم بيها و ارتاحت و الان ابنها عمرو 6سنين خالتك لازم تحاول ترتاح مليح ونفسيا تساعد روحها و هي فترة و تمر اما اذا زاد عليها الدم ترجع لطبيبتها هي اعلم بحالتها

شكرااا ام ضياء ربي يسترك و يخليلك نور عينك ضيااء

انا كان عندي نفس المشكل في حملي وقالتلي الطبيبة بلي ادا ريحت مليح رايحة تولي لمكانها
وخاوت الصبي اي المشيمة كانت هابطة بزاف قاتلي لازم تريحي وكل مايكبر الدري هي تولي لمكانها
وانا كنت نخدم ملنشفقش على روحي لاني وحدي ماكانش الي يعاوني
والحمد لله ربي سترني وزيدت عادي
بما انها محضوضة بيكوم قوليلها ريحي روحك بالعكس خمي بلي كاين الي يعاونك وينقص عليك بالعكس تفرح
وربي يكمللها بخير

شكرا لياااااااال ربي يخليك و يسترك انشا الله