اليوم جبتلكم plat يقدر يكون مقبلة و يقدر يكون طبق كيما تحبي اسمو سفيرية البطاطا باللحم المرحي شفتو في احد المنتديات و انا رافقتو بالفخض المعمر نخليكم مع الوصفة
المقادير…. حبات بطاطا مغليين او مفورين كيما تحبو ,لحم مرحي,2حبات بيض ,معدنوس,فرماج ابيض,حبة بصل صغيرة,ملح,فلفل اسود,راس الحانوت
كيفية التحضير.غلي البطاطا ثم هرسيها و زيديلها الفرماج حبة البيض ملح فلفل راس الحانوت معدنوس وخلطي الكل وخليها ترتاح من جهة اخرى حضري اللحم قطعي البصل المعدنوس اللحم حبة البيض الملح الفلفل الاسود و خلطي الكل مع بعض و شكليهم خبيزات صغار و قليهم ثم شدي البطاطا و ديري داخلها اللحم و ديريها في la panure اي فرينة بيض شابلير و قليهم في زيت ساخن
انا زدت معاهم فخض نتاع الجاج نحيتلو تاعظم و عمرتو و طيبتو كي طاب حمرتو في la panureو قليتو ورافقت الكل مع بولات بالجلبانة و شهية طيبة حبيباتي الحلوين
اترككم مع الصور
url=https://www.gulfup.com/?yI6cGW]
[/url]
المزيد من الصور نتاع الفخض المعمر علابالي كترتلكم الصور باش تفهمو مليح لانها رائعة
بصحتكم دعواتكم لوالدي رحمه الله
سلمت يداك حبيبتي و ربي يخليك و يربي يرحم والديك و يجعلهم من اهل الجنة يا رب
تبارك الله تسلم الايادي لكان غي تعرضيني راني غير قريبة ليك حنونتي ههههههه
بصحتك حنونتي ٤٤٤٤٤٤٤
