زوجك واعمال البيت

موضوعي هو موضوع الكثير من الاخوات تشتكي منه وهو عدم مبلات الرجل الهمجي وين جات يقيس مع ولاادو ومنبعد يقول عليك ماشي ربة بيت مثالية وين الحل
اذا نقولك لازم تشغليه ينقي معاك يد بيد باش يحس بيك ويفهم مليح واش معنت الميناج

نبداو منالصباح وحنا نلبو في طلباتهم بصح قليل ليحس
املا هذه المرة مديلو سلة ادوات التنضيف وقوليلو بدا نضف كل شئ


وولفيه يربي معاك الصغار ماشي يقعد يتفرج فيك وانت مغبونة

هههههههه من سابع المستحيلات
صراحة بين الواقع والأفلام ههههه
يحب يجي يعاونك في ماكلة يحبها هو ممكن يضيف بعض اللمسات (بيناتنا يزيد عليك)لكن نتمنى برك يعونك في نقاط صغيرة مثلا الصباط يخليه توال الباب مايعفسش الحالة كامل

بالعكس يا غاليات الجزائري مرات يكون سباق للامور الغير مالوفة وايظا على حساب لاج اذا هو من جيل الشباب انا اراهم جد متفهمين ويبغو يعاونو هيا يا سيدات قولو شكون زوجها يعاونها في اعمال البيت وساكون صريحة انا حتى الطبخ ويطبخلي مرات لمل نكون مريضة او اتكاسل تقلاش وخلاص ههههههههه انتضر مشاركتكن بصدق

في الجزائر جامي تصرا ……

غير فوتيها ….

موضوع جميل و طرح اجمل …

الصراحة يعاوني كي يشوفني عيانة او مقلقة ويطيب كي نمرض ونشد الفراش او العشا اذا كانت حاجة خفيفة .لكن اوقات نتمنى مايعاونيش غير يخلي داك الشي اللي عملتو مقاد في بلاصتو .
يدخل للدار يلقى كا حاجة في بلاصتها 5 دقايق يرجعها كي الخربة ههههههه الصباط في جهة والحوايج في جهة والفوطة يخرجها من الحمام ويرميها فوق الفوطوي ……….حدث ولاحرج

هههه ساعات كي نكون مريضة ولا نغيب على الدار ميغبنش روحو الماكلة يقدر يطيبها والماعن الله لا تشوف مومن في هذاك البوطاجي
بصح الاولاد لازم نعودوهم من الصغر وياربي