السلاااام عليكم
وصفة اليوم فلان الطبقات
باهي بزاف مايتقاومش
المقادير
2 بيمو شوكولا، علبة ونصف شوكولا بالمكسرات ، لتر ونصف حليب ، 3 ملاعق كبيرة نشاء
3 انواع فلان باذواق مختلفة ( فراز ، فاني ، شوكو)
التحضير
نفتو البسكوي مليح
نذوبو الشوكولا على حمام مائي ( علبة جاتني قليلة زدت نص ) ونزيدوها 5 مغارف كبيرة ماء مغلي
ونسيحوها على القاطو
نخلطوه مليح
ونفرغوه في مول (نعملو ورق الشمع في الاسفل حتى يسهل كي نقصوه)
وندخلوه للثلاجة حتى يجمد
الطبقة الاولى فلان فراز نخدموه بالطريقة العادية في نص لتر حليب
ونزيدو عليه 2 مغارف نشاء باش يجينا ثقيل
نحطوه على النار ونبقو نحركو حتى يخثار يبرد شوي ونفرغوه على طبقة البسكوي
نعاودو نردوه للثلاجة حتى يجمد ويحكم روحو
وبعدها نديرو فلان شوكولا بنفس الطريقة وكي يبرد نفرغوه على الطبقة الثانية
ونعاودو نحطوه يبرد ويجمد
واخر طبقة نحضرو لفلان بنفس الطريقة نخلوه حتى يبرد
ونفرغوه على الطبقة الثالثة
( نورمالمو نفرغو غير بلعق ونا غاولت حتى تفلق شوي )
للمرة الاخيرة يدخل للثلاجة
ويبقى 3 ساعات على الاقل
شكلو بعد ما جمد تماما وصار جاهز للتقديم
نحلوه من المول الطبقات يبانو
ونقطعوه مربعات
ونزينو باي نوع من المكسرات ( عملت جوز ، بيستاش، نوازات)
لطبقات ظاهرة وطعمو امممممم
بالاخص البسكوي الي فيه المكسرات
ان شاء الله تعجبكم التحلية وتجربوها
وماتنساروش ابداء رايكم
جربته مرة لكن ماحطيت الشكولا بالمكسرات
ان شاء الله اعيد التجربة بنفس مقادير نتاوعك
بارك الله فيك
+++++++++++++ تقييم
امممم طبق مميز راح نجربها مثل الشيز كايك
انا عادة نديرها بصح بدون هدا النوع مالشكولاة ونحطها في كيسان تاع زجاج
تجي هايلة وشكلها روعة
مشكورة حنونة ولفتينا على الجديد ورانا فانتظار القادم
و الله مهما نقولك ما نوفيكش حقك
جزاك الله من خيري الدنيا و الآخرة حبيبتي شكرا كي راكي تتفكريني