المقادير
- قشور البرتقال
- الماء
- الحامض
- سكر
نخذوا القشور ديال البرتقال و نقطعوهم مكعبات صغيرة و نديروهم في الماء و ندخلوهم للثلاجة لمدة أسبوع و نبدلولهم الماء كل نهار مرة في الصباح و مرة في اليل
من بعد هاذ الأسبوع ناخدو القشور و نصفيوهوم و نعملولوم ماء جديد و نحطوهوم يغليو و نحسبو 5 دقايق من بعد ما يغلي
من بعد 5 دقايق نصفيوهوم كنعاودو هاد العملية 4 مرات كل مرة من بعد الغليان كنخليوهوم يطيبو 5 دقايق
من بعد المرة الرابعة ناخدو القشور و لكل كاس ديال القشور نضيفو كاس الا ربع الى كاس سكر و كاس ماء و معلقة صغيرة عصير الليمون نخليوهوم يتعسلو و مرة على مرة نحركوهوم حتا يقربو ينشفو و يبانونا تعسلو مليح و نصفيوهوم
بالصحة و الراحة و نعملوهوم فعلب بلاستيكية او قراعي زجاج و نحتافضو بيهم فالكنجلاتور
و لكن أنا قسمتهوم على 3 و درت لواحد الكمية ملون أخضر و الأخرى ملون أحمر و خليت وحد الكمية عادية. جربيها و ردي علي إن شاء الله
شكرا على هذه الوصفه ولكن لدي سؤال كي ديريهم في القارس والسكر والماء ترجعي اطيبيه ولا لا
مشكورة و الله يعطيك الف عافيه
نعم يا أختي نعاودو نطيبيهم
و شكرا على المرور
و شكرا على المرور
جزاك الله خيرا
صحيتي
اول مرة اسمع بطريقة تحضيرهم
بارك الله فيك 