طلب مساعدة بخصوص المقروض المقلي 2024.

نعم جربي وردي لي لخبر ان شاء الله جربي كمية قليلة بكيلة كاس صغير هكذا كي تمشي يديك يرجع سهل لك
اي بسم الله
3كيلات سميد متوسط
1 كيلة سمن وزبدة مذابة
1كيلة بين ماء وماء الزهر
قرصة ملح
حبة بيض
فاني

الحشو
3كيلات للوز مقري محمص
نصف كيلة سكر
قرفة
يتلم بالماء الزهر

استعملي سمن المدينة وفلوريال المارقرين
اخدمي السميد المتوسط + ملح+فاني مع ليدام مليح ويكون ليدام برد بعد مايذوب نزيد البيضة هكذا ماينحلش في المقلاة ونخليه يرتاح من الليل لصباح او العكس نوجدوا الحشو
ومايكونش فايض ليدام تاع مقروط المقلي المقروط تاع الكوشة للي نفيضوا ليدام
بعدها نعمل خربوش طويل نقسموا على 2 ونعمل الحشو تاع اللوز ونغلق ونعمل الحربوش باليد بدون الضغط
الزيت يسخن مليح بعدها نقص ونرمي حبة بحبة نوضعوهم في بابي الناشف هكذا يشرب الزيت تاع القلي
بعها نعسلوهم
الحبة تاع المقروط ماتقلبيهاش في المقلاة ختي طيب مليح من تحت

أنا من الآن نقولك بلي وصفة ملكة المطبخ نوالو ناجحة 100 بال 100 لكن اختي نوالو هل هذه وصفة للمبتدئات أنا لا اضيف البيض و نضيف قليل جدا من الزيت و نستعمل سمن كيما قلتي و في القلي نستعمل المقلاة الخاصة بالمقروط اي مقلاة بالشبكة تاعها و نكثر الزيت تطيب الحبة ذهبية من كل الجهات بدون مانقلبها لازم الحبة تتغطى بالزيت و يجيني طري هذي طريقة أمي