حابة نوكل بنتي ولكن مترددة 2024.

السلام عليكم اخواتي
انا بنتي عمرها 5 شهور واسبوع متعودة نوكل ولادي بالشهر السادس لكن هادي وااااااعرة ماترقدش قلت يمكن تاكل تشبع ترقد مع العلم ترضع حليب صناعي وعدنا مانلقاوهش مرة نجيبوه من العاصمة مةرة من بليدة ومن بعد تقطع كامل ورجعت نديرلها نفسه لكن اللعادي شكون منكم وكلت ولادها بالشهر الخامس وبواش بديتيلهم

ايه مع ان سقسيت الطبيب قتله الاكل حتى لسادس قالي ايه السااااادس

شوفي يا اختي هذا الموضوع فيه جدال كبير الي يقولك على 4 واللي يقولك على 6 انا جربت الطريقتين ولقيت بلي كي ياكلو على 4 احسن يشبعو مليح ويزيدو في صحتهم هذا طبعا مع الرضاعة الطبيعية او الصناعية اتوكلي على ربي واعطيها لللللللللللللللللللكن نقولهاونعاود كلشي بالتدريج اعطيلها حاجة وخليها مدة اسبوع وانتي تراقبي فيها اذا مكان لا اسهال ولا حساسية يعني الماكلة هذيك والمتها
اول اكل مديت لابني الخضروات المهروسة وفيها قطرة زيت زيتون وبالتدريج كل ما يكبر كل ما نضيفلو حاجة وفي المساء تفاح مفور ومرحي كي دار 7 اشهر دخلتلو صدر الدجاج مع الخضروات المهروسة واي استفسار انا حاضرة

عسل يا ام يوووووسف قبل عمر السنة؟
ربي يخليلك يوسف ويكبره في طاعته بكرتي بالاكل
كوكو ربي يحفظلك ولدك ويكبره في طاععته
شوفي انا ولدي الاول بديته 6 شهور بالضبط
بنتي بديلها 5 شهور وتلات اسابيع لكن شيبي درك في الاكل اتاكل لحم ولا دجاج ولا خضار غيربطاطا ومقارون والفواكه موز وهاد الايام شفتها كلات تفاح عمرها تلات سنين و3 شهور قلت يمكن تحسست من الال بيتلها قبلالسادس لهاد محتااااااارة

ام يوسف اضغطيه وين زيب وارفعيه على مركز تحميل

انا بديت نوكل لبنتي في 4 اشهر بديت لها بالفواكه الطرية جدا مثل الاجاص التفاح الخوخ يكون طااااااااايب مليح " يعني يكون طري ويذوب في الفم " كنت نقسم لها فص صغير ونحكم لها بيدي وهي تمصو حتى يخلاص و ايضا التمر " الدقلة " ثم تدريجيا اضفت لها الخضروات وجبة واحدة في اليوم " الغداء فقط" نديرها على شكل بوتاج اذا حبيتي ديريه لها جاري بزاف " على شكل سائل " و حطيه لها في البيبرونة تشربهم تجيها اسهل وماتحسش بتغيير كبير في طريقة الاكل ثم اضفت لها العشاء نمد لها بتي سويس او فرماجة وهكذا بالتدريج حتى وصلت للشهر العاشر دخلت لها الدجاج والسمك
ربي يحميها لك ويجعلها من الصالحات

السلام عليكم حبيبتي هناء بما أن الطبيب قالك حتى للسادس انتطري حتى تغلق الشهر السادس
و حتى أنا أنصحك بذلك ، وزارة الصحة العالمية تنصح بحليب الأم وحده
ما بقاش بزاف و تغلق ستة أشهر اصبري عليها والله غير تربحي صحة بنتكو ربي يحفظها و يحميها