هذه الصورة تم تصغيرها. إضغط هنا لعرض الصورة بالحجم الطبيعي. أبعاد الصورة الأصلية هي 3264×2448.
نبداو بالمقادير
الطبقة الاولى :
اذا حابة الطبقة جيك رقيقة ديري باكي بسكويت مرحي و اذا حابة الطبقة متوسطة ديري باكي و نص و اذا حبيتيها خشينة كيما درت انا ديري 2 باكيات مع شوية زبدة ذايبة و رصيها فالمول المتحرك و دخليها للثلاجة تتماسك
الطبقة الثانية:
فالطاس الكهربائي= 2/3 كاس ياوورت طبيعي(ليس بتي سويس)+4 جبن كيري+1/2 كاس لحظة+1/3 كاس سكر و نخلط جيدا ثم نكشط الجوانب و نعاود نخلطحتى نتحصل على خليط متجانس ثم نصبو فوق البسكوي
نشعل الفرن 180° من فوق فقط
نحط المول تاعنا فالفرن فليطاج تحت النص و نخليه حتى يتماسك الخليط و يجمد بلا مايحمار الوجه و نجبدها تبرد فالثلاجة
الطبقة الثالثة:
كاس حليب+علبة فلان نوارة فاني او كارامال +1/2 م ك نسكافي او كا****ينو ..نحطهم على النار حتى الغليان مع التحريك المستمر و نصبو فوق الطبقة السابقة ..و كيما قلت بالكيردون نحي كل البالونات باش يبقى الوجه باهي و املس
ان شاء الله تجربوه و يعجبكم …و اي استفسار انا فالخدمة غالياتي
بالصحة و الهنا على قلوبكم 
راح نجربها قريبا بادن الله
هل ممكن نعوض اللحظة بحاجة اخرى ؟؟ وماهي ان امكن ؟
ام الحلوات ماتقدريش تبدلي اللحظة على خاطر هي الاساس و هي لي تخثر و تمد بنة خاصة