الوسم: المبسس

السلام عليكم و رحمة الله تعالى و بركاته
توجد انواع مختلفة من المبسس كاين مبسس الطاجين ، و المبسس المقلي و مبسس الكوشة ،و كلهم لذاذ.
كل واحدة و طريقتها في تحضيره،وهذه طريقتي :
3كيلة سميد متوسط و 1كيلة سميد رطب و رشة من (السكر و الفلفل الاسود و القرفة و خميرة القاطو)و الملح نفرك جيدا مع كيلة ( زبدة+زيت )ثم نضيف الماء الدافئ بالتدريج ،نلمها جيدا دون اكثار الماء و العجن ،نبسط و نقطع دوائر او مربعات و تطهى في الطاجين.
بالنسبة للمبسس المقلي نفس المقادير لكن نسبة الماء تكون زايدة شوية ، نقطع الشكل لنحب ، و نقلي في الزيت . يقدم مع العسل.

اما مبسس الكوشة فالوصفة خاصة بي ،يجي بنين و يذوب في الفم ، بشاهدة كل من ذاقه:
غرفية سميد متوسط +غرفية سميد نصف غليظ + نصف غرفية فرينة +1خميرة القاطو+3/4 غرفية(سمن و زبدة)+لافاني+كمشة كاوكاو محمر مطحون
+2ملعقة كبيرة ماء الزهر+2ملعقة صغيرة ملح نخلط كل المواد جيدا و نضيف الماء بالتدريج ،حتى نحصل على عجينة ،نبسطها ون نقطع مربعات او مقروطات
نضعها في صينية مدهونة بالزيت،و ندخلها الفرن تطهى .نخرجها و نصب عليها العسل الدافئ ، نتركها قليلا ثم نقطرها .و تقدم مع شاي منعنع.

يعطيك الصحه سلمت يداك اختي

امممممم هايل
ماشي مقروووظ هاذا اشبهلووو
يعطيك الصحة

بارك الله فيكما ام صوريا و الاوراسية
ايه مبسسس الكوشة يشبه للمقروظ ،مافيهش الحشو ، سهل و بنين ، جربيه راح يعجبك.

اكيد حنونة عجبني بزاف
بصحتكم

امممممممممممممم ام مريومة لش يهبل

مشاء الله عليك وصفة هايلة

نموووووووت على المبسس المقلية وقاااااع ما تخطنيييييييش وانا ندخل والعجينة في قالب ونخرجها ونقليها وسبق وحطيتلكم صورها فاني يكون عندها شكل شباااااااب

السلام عليكم و رحمة الله تعالى و بركاته
الله يبارك …………..ربي يحفظك

بارك الله فيك
خرجتلك المثقبة شابة
مي انا منعسلهاش نحبوها ناشفة و مانديرولهاش الحرور
مشكووووووووووورة حبيبتي
في انتظار جديدك دائما

مشكورة كتير بارك الله فيك

بارك الله فيك ساهل وباين مليح
جزاك الله خيراا

سلام
هذا وين جربت الوصفة دخلتها الكوشة وان شاء الله تنجح
شكرا ليك يا غالية

merci ya habibti 3la alwasfa iiiiiiiiiiiiiiiiiiiiiiih fakartini fi mama kanat dirhali ya hasrah ki kunt narja3 malmadrasa barak alah fik hna tani mandiruch fih lahrur rabi ykhalik w yakhlik youcef w babat youssef hhh