و اطلب منكم اخواتي طلب اﻻ خت ما تحشمونيش نعتو لي واش ندير في هذا الحفلة ﻷني صراحة او ما تضحكوش علي ما فهمت
والوا .يعني في الحفلة أذا عملت عشا واش نطيب .واذا عملت قهوة واش نحط حبياتي بالتفصيل من فضلكم راني اختكم .
يعني في اﻻول نحط مشروبات او فواكه ……من فضلكم ما تخلوا حتى واحد يضحك علي حبيبتي و وحيدتي نحبها تفرح او
نفرح معاها .ربي يفرح كل من ترد علي .
ولي عودة بادن الله
ربي ينجحها ويفرحك بيها ياا رب
اكيد الاخوات راح يفيدوك ان شاء الله
نحب نفرح عمري حسوا بيا .
و بالنسبة للحفلة نقترح عليك و انتي واش تحبي تحطي
ابدئي في المساء ساعة ثالثة مثلا
اذا مادرتيش عشا
حطي موالح و لكي الخيار
بوراك
ميني بيتزا
شوصون
فولوفون
او اي نوع من الموالح او فطائر محشية
حطي مرطبات و مشروبات مع فواكه خصوصا مع الصيف باردين يكون وقتهم مليح
او سلطة فواكه افضل
او
تحليات الباردة او الفلان الي هناك الكثير من الوصفات
شوية و نرجعلك للقهوة
ربي ينجحها ويفرحها ويفرحك بها اختي ويحفظهالك.
من راي اختي دريلها حفلة صغيرة ما شي عشاء دريها حفلة بالقاطو ولا باتيسري واعرضي اهلك واولادهم الصغار.
وإن شاء الله الاخوات يزيدو يفيدوك.
القهوة
الشاي
حلويات معسلة
مع
مكسرات
العشااا اذا ما حبيتيش تنوعي
ممكن الكسكس او الشخشوخة او الرشتة
اما اذا حبيتي تنوعي
شربة مع طاجين مثوم او زيتون او لوبيا خضرا او اي طاجين اخر مع موالح بوراك او شوصون …الخ مع سلطة منوعه و مشروبات
نتمنى افددتك
ديري الي تقدري عليها و ما تكثريش على روحك
واش رايك
ان شاء الله نكونو افدناك و ان شاء الله ربي ينجحلك بنيتك و يفرحك بيها و تفرحينا معاك
بالتوفيق
اذا في رمضان سهل مثل ما قلتي
بارك الله فيك
شكراااا اختي فايزة و ام عبد الرحمان لن انسى جميلكم بارك الله فيكما .
