التصنيف: ماكلتنا البنينة [ مطبخ ]

واسعد الله اوقاتكن اخواتي بكل خير
البارح درت معقودة ومطلوع الكسكاس والحميس امممممممممممم حوحو يشكر روحو في اتم الروعة
اليكن الصور:
المعقودة:
المقادير والطريقة:
خمس حبات بطاطا كتوسطة تقشر وتغلى مع رشة ملح بعد ان تطهى نطحنها ونضيف لها علبة طن كمون والسر في الكمون 3 سنات ثوم مبشورين رقيق وزعفران تخلط جميع المقادير ونضيف لها حبة بيض حتى يتلم الخليط بين يديك انا اضفتلها كمشة فرينة سخنت الزيت وبديت انرمد في الفرينة او نقلي واش انقلكم احنا في الغرب انديرولها هكذا وكل وطريقته

الحميس:
الطريقة والمقادير:
حبتين طماطم 4 حبات فلفل حلو و6 حبات فلفل حار حبتين بيضانجال و5 سنات ثوم نقوم بشوي جميع الخضر السابقة نحضر مقلاة نصع فيها ملعقتين زيت عادي ونقطع الطماطم ونطحن الثوم ونضعها في المقلاة نقشر جميع الخضر السابقة بعد شويها ونضيفها على الطماطم والثوم تطهى فقط 7 دقائق نطفي عليها ونفرغ مقدار فنجان شاي زيت الزيتون ونتركها تبرد بعدها نحضر الميكسور ونرحيها وعند التقديم دائما اضيفي ملعقة زيت الزيتون كبيرة للحميش ولا اروع يحفظ في وعاء زجاجي محكم الغلق ويمكن الاحتفاظ به لمدة20 يوم الى شهر

مطلوع الكسكاس يخرج خفيف بزاف:
المقادير والطريقة:
3 كؤوس فرينة مغربلة لا بد من غربلتها يدخلها الخمير واجي اخفيفة
ملعقة كبيرة خميرة الخبزة ملعقة صغيرة ملح ملعقتين صغيرتين سكر 4 ملاعق كبيرة زيت نخلط جميع المقادير وبالكاس اللي عبرنا بيه الفرينة انعبرو بيه الماء الدافي كاس ونصف نفرغ الماء ولا بد من وجود العجانة لا تستخدمي يديك (تستطيعين استخدام يديك لكن النتيجة لن تخرج مثلما تستخدمي العجانة لانو بيديك لا بد من الدلك الجيد وراح يديلك وقت لكن العكس بالعجانةاعجني فقط مدة 5 الى 10 دقائق بالعجانة ثم ضعيه تخمر قليلا ثم جهزي مكان التخمير ضعي الخبزات يخمرن لكن لابد من ترقيقهن مااتخشنيهش او راه فيه الخميرة يطلع خفيف وعند خمورهن جهزي الكسكاس اقلبيه بحيث ايجو الثقابي للفوق نقصي للفرن على نار هادئة ضعي الخبزة وراقبيها لانو كل خبزة لا يستغرق طهيها3 الى 4 دقائق عسيها اي احرصيها قدر المستطاع والا ستحرق

اتمنى ان تنال اعجابكن
زوجي كنت حارماتو من مطلوع الطاجين لانو نحب انتاع الكوشة او هو العكس الان من اللي ابديت انديرها جابلي الفرينة او قالي كل يوم اديريه

اريد منكن احلى تقييم لمن اعجبها اي شيئ وتريد معرفة الطريقة