التصنيف: استفسارات العروس

صباح الخير يا بنات الجزائر…
كيما تعرفو انا ان شاء الله رايحة نتزوج بعد حوالي شهر و نص … انا من يومين التقيت بخطيبي اللي هو زوجي و الحمد لله و لكن للاسف ما كنتش راضية على لباسه..مع العلم ان خطيبي طويل و اسمر اللون و عندة شكل جذاب و لكن طريقة في اللباس كانت سيئة…و بصراحة انا قلت له هذا و لكن هو ماجاوبنيش… صدقوني من هذاك اليوم و انا نفكر في الموضوع
ايا ساعدوني في طريقة باش نغير اللوك لخطيبي لاني بصراحة ما نقدرش نسكت …اعطوني افكار ربي يهنيك

أختـــــــــــــــاه ألف مبروك ربي يهنيك ويكمل لك

أكيد جرحتى خطيبك بكلامك عمرها ماكان اللباس مهم لدى الدرجة

هو حر في نفسو متقدريش تبدلى له اللوك هو عاجبو اللوك تاعو

انت اخترته عن قناعة فلا داعى للحظات الأخيرة تزعجيه وتزعجي نفسك بسبب اللباس

اسمحيلى حنونة وربي يهنيك

ربي يهنيك ويسعدك حبيبتي لكن انا مع اختي نقاء الروح اكيد راكي جرحتيه عمر الانسان ما يتقيم من مظهره الخارجي انت رضيت بها على اخلاق وتدين ماشي على لوك
اذا انت ماهوش عاجبك لوك تاعو لوكان قلتيها لو بطريقة احسن يعني اذا راكي قادرة ماديا لوكان اشتريتي له اونسونبل على ذوقك وقلت له نتمنى تلبسه ونشوفك به واكيد اذا عجبو ذوقك رايح يولي يلبس كما راكي حابة
او لوكان صبرتي حتى تزوجتو وكي تخرجو مع بعض تقولو هيا نروحو نشريو شوي حوايج وانت خيري له واش راه عاجبك ومتمنية تشوفيه به

عندكم الصح لبنات
كي تزوجي غادي تولي تتسوقي معاه ولي خيرلوا الملابس الانيقة بلا ماتجرحيه
قوليله تعجبني كي تليس هادي ولا اللون اللي تحبيه راح يسمع كامك ويوافقك

السلام عليكم رايي من رايي الفتيات حتى تروحي لعنده غير بشوية وانتي بدليله اللوك قوليله نروح معاك نشروا مثلا مشي من ضرك ينجرح خنونة

koun goultilou, bitari9a dibloumassiya, indirectement , machi fi wejhou direct, kima par exemple tgoulilou rahi jaya 3lik mais mayelzemch kada wa kada w nti ta3arfi mnin tedokhlilou,
goulinna chaken labes, ou bien cha mwalef yelbes, style ta3ou, bech n3awnouk
w ghir bechwiya 3lih, hada mahouch bb tlebssih kima tebghi wela teferdi 3lih haja, mademki teferdi 3lih haja, madem houwa yzid yet3aned
rabbi yhanik ma chère

شكراا ليكم حبيباتي و لكن بصراحة انا معنديش مكشكل …هو يجي لدار و يشوفوه هاك داك و انا نحشم هو عادة يلبس سروال جينز اسود يكون عريض بزااااااااااف و من فوق بودي لون رمادي و فوق البودي جيلي سوداء مبطنة يعني لباس تاع واحد غير مهتم.و الحذاء شكل عسكري باللون البني .انا قلت له اشري فاست كاشمير و لا كوير و البسها احسن من الجيلي …و تاني طلبت منه ان يلبس سروال نوع اتوال كلاسيك و حذاء كلاسيك ..و الله نحب هاذا اللوك و للأسف هو ما ردش على كلامي …و قالي ان شاء الله حنونة
و زيد انا اوضاعي المادية لا تسمح باش نشري له ملابس و زيد راني نجهز و راكم تعرفو الجهاز …و هذه صورة تقريبا تشبه اللوك و لكن هذه طبعااا محسنة []

ههههههههههه واش خصوا خموس اعليه

كي يكونوا الخطيبين من منطقتين مختلفتين لي يصري هاد المشكل انا تاني صراتلي

مساء الخير
اولا حبيت نشكركم على كامل المجهودات لي راكو تبذلوها باش تساعدونا الله يعطيكم الصحة
بارك الله فيكم
و جعلها في ميزان حسناتكم

انا حبيت نحط صور من جهازي و الحاجات لي نشريهم باش نفيد و نستفاد ما نحبش نكون انانية نرفد برك
لكن ما نعرفش نحط الصور لي نصورهم انشاء الله تكونو فهمتوني.

مرحبا بك

روحي للقوقل اكتبي مركز التحميل

يخرجولك بزاف خيري غزل خاطر مركز الخليج ما راه مليح هاذ اليامات

و ديري parcourir و ديري رفع
و لما تحمل الصور من جهازك

دير كوبيي
ل
رابط المنتديات

نتمنى تكوني فهمتيني اخيتي

شكرا حنونتي الله يعطيك ما تتمناي

<img src="https://[img]https://im31.gulfup.com/aI09r.jpg” border=”0″ alt=”الجيريا” onload=”” onerror=”this.src=’/wp-content/tasbih.jpg’;” />[/IMG]

شوفي راني ساييت ودرت الصورة تاع خواتمي و نجحت و هذا بفضل ربي سبحانه و تعالى و فضلك شكرا يا غالية

الله يبارك شابين بصحتك اختي ربي يهنيك ان شاء الله

رب يهنيك

ما تنسايش توريلنا صوالحك تع الجهاز

و شابين خواتمك ما شاء الله

خواتمك شابين تلبسيهم بالصحه والهناء حبيبتي

الله يسلمكم تعيشو ربي يحفظكم و انشاء الله نحطلكم مجهازي

السلام عليكم ورحمة الله

كيف حالكن اخواتي

حبيت استفسر ؟

1- حول جهازي

كيف طريقة الترتيب الفراش العصرية وادوات التجميل و الفوطات و ……….

2- واش تنصحوني في الملابس واش هي الحاجة الي نكثر منها واش الحاجة الي نقلل و انتو تعرفوااا في اي شي سواء ملابس ولا كوسمتيك ولا ملابس داخلية ………….

3- انصحوني كيف التعامل مع أم الزوج لاني راح اسكن مع امو واختو الصغرى وابوه

يقولك سقسي مجرب

ارجووووووكم لا تردوني

مشكوووووورين مسبقا

واي سؤال يجي على بالي راح اسألكم بارك الله فيكم

رانا كيف كيف اختي هبة دوكا قاع نستفادو من خياتنا المجربات

هدا الموضوع يفيدك ان شاء الله

https://www.dzhawaa.com/vb/dzhawaa63202/

حبيبتي مايا وليت تعرفي في الجهاز ههههههههههههه توحشتااااااااااااااااااااااااااااااك حبيبتي

44444444444444444444444بزاف اختي منيني

بآرك الله فيكم

مشكوووووووووووووووووووووووووووووووووووووووورين من القلب

هههه زهرة مركيش تباني وشراكي

اليوم الصباح عيطتلي ماما نوارة عجوزتي الغالية ربي يطول في عمرها و قالتلي متخدميش البساط أنا نخدمولك فرحت
بصح المشكل منعرفش واش هو البساط مع العلم أنها هي سطايفية

اي الفحلات قولولي كيجاير هذا البساط و مدبيكم إذا تقدرو طلعولي تصويرتو
راني نستن في ردكم

شكرا أختي جزاك الله خيرا

تسلمي ياغالية

سلام حبيت نعرف واش لازم ايكون فالفاليزة لي يجيبوهالي او شحال وحدة ولا زوج? من لكبار ولا ما صغار? او حابة نعرف شحال تسقام لانوا كلفني خطيبي نعمرها او سقساني شحال ايمدلي مي ماعرفتش شحال. مع العلم انوا من الغرب. ويلا مدلي دراهم هادوا ويلا خلاص مايزيدليش ? برك مصروف العرس -الكبش .القضيان التاع الطياب-?و انا جهازي نديرؤ من جيبي? حابة نقول من جيب بابا هههههه مع العلم انو شرالي بارور دارت قريب 20مليون

نفس الكلام اللي كنت حنقولو ربي يسهلك

يارب يفيدوك ويفيدوني معاك لأنني مثلك مانعرفش في هاد الامر

oum pissou et coco et sajida je vous remercie pour votre commentaire j’attend votre passage une autre fois

ya khti ana men mosta mais welah mana3ref,lol,, jspr lemzawjet yfidouna

انا من الوسط و هنا عندنا يجيبو الفاليز تكون متوسطة و تكون باهية …و عندي وحدة لفامي تزوجت في وهران و جابلها فاليز فيها منصورية ماروكان عادي مشي معمرة بزاف ..و تاني وحدة وهراني ..و جابولها ملابس داخلية و ثوب نوم من الدونتيل ابيض..و حذاء سواري و صاك سواري …يعني يتماشاو مع الوهراني ..و تاني جابو سلة متحوفة بالدانتيل الابيض و فيها حوايج كوسميتيك يعني شومبو و ريحة و ماكياج علبة كبيرة…و صابون باكي كاملة..
و تاني كاين اللي يضيفو حاجة تاع الدار يعني روب للبيت و يكون معاه بلغة للدار ..
و نصيحتي ليك اختي احسني عون خطيبك راهو العرس يكلف و كيما قلتي جابلك بارور ب 20 مليون ..انا من اراي روحي للسوق و شوفي الاشياء اللي ناقصة من عندك مثلا جاجة تاع تصديرة و شريها هي و حذاء و صاك و حوايج كوسميتيك …و هاذو برك رايحين يفوتو 2 ملاين يعني انتي و ظروف خطيبك انا طلبت منه اني يجيبلي دراهم يعني 2 ملاين برك لانو بصراحة راحو شرالي شحال من حاجة في الجهاز كيما الملابس الداخلية و كان في كل مرة نتلاقاو يجيبلي كادو و لي هو عبارة على ملابس نسائية و الله لفاليز تاع الملابس الداخلية هو عمرهالي برك …
و يا ربي يهنيك
و اسمحيلي اذا طولت عليك و لكن انا متلك حابة نحكي غير على امور الجهاز و العروسة الخ …هههههه
اعذريني

romasal راها كفات ووفات

salam khti ya3tik sa7a nawartina

ya3tik saha rozamal ha9 nawartina kima 9alou el akhwet asma ou zina as3adni jawabek ou bel3aks habbit tawli kima habbiti bah nefhem bien haha ana khatibi b3id alia c’est pour ca machralich hwayej parceque 9lil win netla9awan alors tleb menni n9oullou la somme li habba mais ana malabalich ch7el pour l’instan rani sreft preske 5 mlayen ou mazel ma kammeltch b9ali nechri les produit de beauté ou des chossure ou un caftan ca fait tetla3li kach 8 mlayen ethabbit na3ref normalement ki ymadli hadou khlas ana jhazi nchrih bedrahmi ma3a el 3ilm annou hna el mahr 3andna mablagh ramzi ca veu dire manachartouch el mahr just 250da haka ydirou febladna

السلام عليكم البنات عاونو بنت خالي راهو جايها عريس لدار يشوفها
ماراهاش عارفه واش تلبس حجاب ولا روب تغطي شعرها ولا
كفاش تستعد للقاءه بليييييييييييييييييييييييييييييييييييييييييييييييي يز راها مقلقه بزاف وحايره واش تلبس انا معنديش خبره قتليها راح نسال حواء الجزائر راح يلقاولك الحل
وربي يعطي لكل وحده ماتتمنى وجزاكم الله خيرا

تلبس جلابة وخمار نورمال

السلام عليكم اختي انا بالنسبة لي اول مرة كي جاو يخطبوني -النساء شفتهم بلا حجاب..اما زوجي في الوقت الحالي اول مرة شافني بrobe مستورة و درت خمارحتى كي فتحنا وعقدنا باش شافني بلا حجاب..
وان شاء الله ربي يسهلك ويفرحك و يكتبلك الخير

السؤال : إذا تقدم شاب لخطبة فتاة فهل يجب أن يراها؟ وهل يصح أن تكشف الفتاة عن رأسها لتبين جمالها أكثر لخطابها؟

الجواب :

الحمد لله

"لا بأس ، لكن لا يجب ، يستحب أن يراها وتراه لأن هذا أقرب إلى الوئام ، النبي صلى الله عليه وسلم أمر من خطب أن ينظر ، فإذا كشفت له وجهها وكفيها ورأسها فلا بأس على الصحيح . قال بعض أهل العلم : يكفي الوجه والكفان ، ولكن الصحيح أنه لا بأس بكشف الرأس والقدمين أيضاً حتى يستكمل محاسنها . فلها أن تنظر إليه وله أن ينظر إليها ؛ لأن هذا أقرب أن يؤدم بينهما كما جاء به الحديث ، وينبغي أن يكون هذا من دون خلوة ، بل يكون معهما أبوها أو أخوها أو امرأة أخرى ولا يخلو بها" انتهى .

سماحة الشيخ عبد العزيز بن باز رحمه الله

"فتاوى نور على الدرب" (3/1522) .
هذا الجزء منقول
بالتالي قد يطلب الخاطب ان يراها دون خمار……فلتحظر نفسها لهذا الامر……تلبس مثلا غوب بلون جميل تكون انيقة وبسيطة ويمكنها شراء المستودرة من سوريا لا تفصل الجسم وبالتالي تصلح كحجاب ولكن لا تختارها مزركشة كثيرا…وتضع خمار متناسق مع لون الغوب بطريقة بسيطة لا تكثر من الدبابيس…واحدة عند الرقبة وترمي الجانبين كل واحد في الاتجاه المعاكس ليعطي منظر جميل وبسيط يوحي بانها في جو عائلي..اذا طلب منها نزع الخمار فلتفعل و يكون شعرها مسرح تسريحة جميلة وبسيطة…والماكياج خفيف جدا ولا تكثر من الالوان او تبالغ باستعمال اللاينار لان الرجال لا يحبون الاقنعة …اي فلتترك جمالها الطبيعي يبرز
هذه صور اخترتها..لاوضح فكرتي عن البساطة مع الاناقة والتناسق……فقط مع تعديل الاكمام لتكون طويلة وغير شفافة…والافضل لون فاتح بدل البني او الاسود لينعكس على الوجه…

صباح الفل و الياسمين عليكم ياأجمل وردات في الكون …
أنا صديقة جديدة وهذا طبعا بعد اذنكن أنا عمري 24 سنة وعاقدة ودايما نصلي صلاة الاستخارة من أجل زوجي لكن دايما كل مانصلي نتعلق فيه أكثر .. ولكن تصير بيناتنا مهاوشات بصح صغيرة … وعمري مافكرت اني نبعد عليه …. ربي يخليكم الي عندها معلومة في هذا المجال تفيدني … وربي يحفظكم ويرزقكم برجل صالح وذرية صالحة انشاءالله

المهاوشات امر طبيعي جدا المهم ما تطورش و تزيد عن حدها
و زوجك لازم تتقبليه بفضائله و رذائله ما كانش انسان كامل
انت ماكيش كاملة ساعات المشكل يجي منو و ساعات منك
و الله انا و خطيبي خضنا معارك و حروب طاحنة و لكن الحمد لله نحبو و يحبني و قريب نتزوجو المهم تتفاهمو وما تخسروش قدركم مع بعضاكم

amnini khti haltek kima halti w 3adi tessra normale ma tkalkich ga3 rouhak hadou yego3do des souvenirs ghodwa tetfakrouhoum w tetwahchohom

Sadkini kon matkonch lmonawachat matahlach lm3icha lmohim matkhalihach tkber wemadakhlich fiha l3bad

ربي يهنيكم حنونة تصرا دايما وهي اللي تقربكم كتر

السلام عليكم اختي

كيما راهم لبنات يقولوا هاد المناوشات عادية و تصرا بين اي اثنين مرتبطين و رايحة تكون حتى كي تكوني تحت سقف واحد معاه و صح تقلقنا و لكن منها تعرفي صوالح اخرى في زوجك سوى في طباعوا او تفكيرو ا و هاد الشيئ ينطبق علينا تاني

و اي انسان لايخلوا من العيوب و لازم تتقبليه بسلبياتوا و ايجابياتوا منيش نهدر على صوالح كبار و لكن في المناوشات و دائما متحسيهش بلي راكي مقلقة منوا ولا كرهتي من هاد الطبائع لي فيه تصرفي بهدوء و صبر و خلي مشاكلكم ديما بيناتكم و ربي يزين العشرة بيناتكم و يحلي ايامكم اختي

انا تاني عضوة جديدة تشرفت بمعرفتك ومعرفة كل عضوات المنتدى ,مشكلتك رانا نعانو منها كامل ان تصرالي مشاكل كبيرة وتتحل راهي المشاكل نتحي الروتين اما نصيحتي لك متقوليش لعائلتك على مشاكلك لانهم يعملو من الحبة قبة,انا ماما نقولها كلشى تولي تكبر الحكاية ,لازم تخلي المشكلة بيناتكم .ربي يهنيك ويسعدك يا حبوبتي ومشاكلك درك تنتهي ان شاء الله نهار لي تتزوجي تولي تحكمي نتي ههههههه

البنات راني نحوس على خمارات العرائس يكونو سامبل وباهيين في نفس الوقت الي لقيتهم قصار ولا رقاق بزاف واش تقترحو علي؟ نشري قماش ونخيط ولا كيفاش؟

واش قصدك يا لبنى بخمار العروسة
خمار باش تلبسيه كيما تعرسي وخلاص يعني تتحجبي به
ولا مع لاغوب بلونش؟؟؟؟؟؟؟؟؟؟؟؟

كاين فالسوق انواع كثييرة من مختلف انواع والوان الخمارات
واش راكي تحوسي بالظبط باش نقدرو ننصحوك حبيبتي

انا حابة ندير تصديرتي بالحجاب يعني خصني خمارات لقيت في المحلات معجبونيش مشي وافيين قصار

المشكل كنت شايفة ودرك كي راني حابة نشري ملقيتش

بالنسبة للاروب بلونش لقيت هذوك الي يجو كي لبوني ومعمرين ليسيستراس وكاين لاصق فيهم لفوال بصح معجبونيش حابة خمار ابيض ونضيفلو اكسسوار

شوفي ديري شال ابيض وشبحيه بالاكسوارات
مثلا جيبي شال ابيض ولصقي فيه ديامو صغار يتباعو
تجي هااااااااااااايله
ممكن سؤال
علاش رح اتديري تصديرتك بالخمار؟؟؟؟؟؟؟؟؟؟؟؟؟
اعراسكم مختلطة؟؟؟؟؟؟؟؟؟؟؟؟
ممكن تفهميني حبيبتي
اذا تقدري تجاوبي

ايه راني نخمم ندير خمار سامبل ونتحفو بالاكسسوارات.فيما يخص الاختلاط، انا وزوجي رايحين نديرو عرس واحد يعني مارايحاش ندير الحنة في الدار رايحين نديرو في الصالة مدابيا نخرج من الدار مستورة وباش نتجنب اي حاجة فلربما اخواته او ابناء عمه كانو لتم ولا كي يوصلونا الصباح للدار…يعني نكون مستورة خير

وانا هذي امنيتي من صغري اني نتحجب ، ماتجينيش اني متحجبة ونهار عرسي ندير شينيو ونلبس العريان وووو

السلام عليكم اخوات الكريمات ارجو منكن مساعدة عرس اختي في الربيع اريد مساعدة في المقبلات و افكار جديدة وشكرااااااااااااااااااااا

اليك الرابط ان شاء الله تلقاي واش بغيتي
احلى الوصفات للمقبلات

السلام عليكم و رحمة الله و بركاته
حابة تعطوني رايكم في تصديرتي و قولولي واش نلبس واش نخلي .. منيش متصورة بيهم كن حطيتلكم بعض الصور نسمو بسم الله :
اول حاجة لونسومبل لبيض و jup لاجوب جاي ميني حاجة فووووووور هذا نفتحو بيه
و تاني عندي الكاراكو
و الشامسة
و الكوكتال
و الفرقاني
و الهندي بالكسسوارات نتاوعو كامل .. خصني صباااط هههه شفت عرايس كي يتصدرو بالهندي يدخلو حفيانين و يديرو خلخال في رجليهم و تمشي و هي مطلعة الهندي بجيها حاكمتها بيدها .. خفت كن ندير هكذا يضحكو عليا بت شيخي راكم عارفين التصديرة راح تكون فيها تعليقات
و الوهراني
و السطايفي
و القبائلي
و الشاوي
و سوااااااااااااري غوووج يعني حمراء فووووووور حاجة شابة و مستورة ماشي مني ولا ميدي
و قفطان

و منصورية بالكوووووووول
و راني حابة نكري التلمساااني ….
حباباتي انا قلتلكم واش راح نتصدر بصح اعطوني رايكم لا نقص ولا نخليهم هكذا ….. و قلولي فاش نحني ….. و الفرقاني راح نتحزم فيها ممنوع دورو بيها هههه يلا راني نستنى في رايكم

البراكة في القليل حبيبتي ربي يهنيك

عندك الحق بصح احنا في عاداتنا لا زم لعروسة تتصدر و ديرلهم عرض ازياااء كيما قلتي ….

بصحتك اختي ملك كلشي مبروك بغيت نسقسيك شاوا الشامسة ما نعرفهاش

بصحتك اختي ملاك راكي لميتي كل التقاليد

مي انا نشوف كون تنقصي شويا ديري لحوايج لي بايننين و ديجا انت بزاف عليك التعب راكي مزال مجربتيش و كيما التلمساني علاه تكري بلاك كون ديريه في الحنة معليه و لا حتي بحاجة اخرى

و في الأخير الأختيار ليك و راكي تولي ان شاء الله و تحكيلنا

الشامسة تتباع واجدة تشبه للكوكتال مخدومة تجي مخدومة بالفتلة و في احجار و……….

اكييييييد راح نحكيلكم من اول يوووم لآخر يوم

معليش اخت ملك تحطي صورة ليها ادا ما فيهاش مضايقة