مساء الخير يا الفحلات ممكن واحدة فيكم تقولي قداش يوم نقدر نخبي العرايش والتشاراك العريان لخاطر انا حبيت نخدم القاطو نتاع النفاس قبل ما نزيد الله غالب ماكاش لي يخدملي وخفتو ييبس مزاتلي 15 ولا20 يوم عل الزيادة نتاعي وخفت نزيد في اي وقت ونقعد بلا حلو والله غير حشومة مع الضياف ومالا ماذا بيكم اذا تعرفو للقاطو شيخوا عليا ودعولي ربي يسهلي انشاء الله وربي يجازيكم كل خير ما طولوش عليا راني قاعدة نستنى في الرد 
بالبركه عليك المزيود
السلام عليكم ورحمة الله وبركاته الله يسلكك عاى خير ان شاء الله الاخوات يفيدوك واعرضيني على الطمينة بلاك تنساي ههههههه
ربي يسهل برك وراكم كامل معروضين للطمينة والحلوى
بالبركة اختي وربي يكملك ويسلكك على خير المهم انا القاطو باش يقعد جديد كي نطيبو ويبرد نحطو في باطة ونقفلو مليح ونحطو في المجمد على طول كي نعرف بلي جايني الضياف نخرج الكمية الي بغيت مسبقا ونخليه ياخذحرارة المطبخ ويولي كانك خدمتيه جديد انا جربت المقروظ والغريبية والصابلي والبقلاوة بالتوفيق اختي وما تنسايش قسمتنا في الطمينة ههههههه
يعطيك الصحة اختي كنت خايفة لا يفسدلي وطمينة ما تغلاش عليك
اختي كاين ناس يخدمو القاطو قبل مايزيدو بشهرين ويحطوه في المجمد
انا جربت حطيتو لمدة شهر قبل مانزيد وبقى كيماراه
بصح نخرج بشوية بشوية
ربي يسللكك على خير وماتنساينيش بالطمينة انا تاني
ماتخافيش خلاه عندك الكونجيلاتور ولي برت مونجي واقفلي وكل ماتحتاجي اجبدي يبقالك كيما هو وربي يسلك وحلك والطمينة بلاكي تنسايها ماتبعتيهناش هههههههه
حتى انا ننصحك بالمجمد وكي تخرجيه شويا برك ويرجع كيما كان
ربي يسرلك امور الولادة ويسهلهالك ان شاء الله مبروك مسبقا
حبيبتي كي تخدميه ديريه ديراكت في المجمد و تاع القلاصاج خليه حتى ينشف بيان و ديريه في علب محكمة الغلق
وتقدري تجبديه وقت ما تحبي
ربي يسلكك على خير حبيبتي
يُنقَل الموضوع إلى القسم المناسب له
وتقدري تجبديه وقت ما تحبي
ربي يسلكك على خير حبيبتي
يُنقَل الموضوع إلى القسم المناسب له