كان الفوط وكيراح راجلي يفوطي قالوله فليل نديرو عملية الفرز يلا تجي تعاونا …..وحدين قالولهم نجيبولكم طعام وأنا قالي نديلهم احلويات و2 برارد أتاي قلتله لالا روح جيب بلاطو بيض ورواح راجل داك ماسمع طار بلفرحة ؟؟نبداو على بركة الله أنا هاد الجينواز ناجحلي وغير بيه نخدم يجي هشيش وخفيف وكي نبغي نكبر لطارط ندوبلي المقادير للجينواز نحتاج 6بيضات/150غ سكر /180 فرينة/فاني/ 1خمارة/نطربو البيض مع سكر حتى يطلع ويولي لونو قريب لأبيض …نزيدو الفرينة ولفاني ولخمارة على 2 مراحل ولكن غير بلمغرف ونخلطو من لفوق للتحت غير بشوية باش مايخرج العوين نفرغوها فيمول مدهون ونخلوها طيب وتبرد…نقسموها على 3 قطع جينواز .. نحط الجينواز1فوق الوح نتاع تزين ونسقوه بلقازوز ونطلو بلكرام شونتيي ونفرش قطع من البوعويد ونحط الجينواز2 ونفخه بلقازوز ونطلي شونتيي ونفرش قطع البوعويد ونرش شوية لوز مكلي ومكحون ونحط قطعة الجينواز 3 ونطلي شونتيي [/] نعمرو لابوش آدوي بلكرام شونتيي الموضاف لها شوكولا ونعمل نجمات فلحاشية وزينة بقطع الخوخ وعجينت الوز لي صنعت بيها العلم الجزائري وورود وضعتها في لأطراف وزينة بشوكولا المدابة ودوبت شوكولا بيضة وسرحتها فوق الورق لأليمينيوم وعملت خطوط بشوكولا البنفسجية ورشيت الملمع وخليتها يبست وكسرتها بطريقة عشوائية وعملتها في لجناب…. إيه قالي زوجي نخلعو فيها و القنصل الجزائري تصور معاها وقطعها وتوتة توتة خلصت الحدوتة 
وهادي الغد من داك شفوني البنات كي شافوها ومكلاوش درتلهم هادي وحطيت أسمواتهم 
لزوج يهبلو
مشكووووورة
حتا حاجة ماتغلى على لحباب 
:sta rfish_by_Chibivi
يعطيك الصحة والتزيييييين جميل جدا