يلزم ولا لالا ؟ 2024.

السلام عليكم. نشالله تكونوا بخير من فضلكن أخواتي قولولي صح لازم نشري حاجة لعجوز تي في الخطبة كي تجي ؟ و أيلا آيه أعطوني مثال وش نشريلها شكرًا

ما شي نهار الخطبة اعطيتلها
نهار الفاتحة و العرس مديتلها كادو
ممكن تقاليدكم مش كيما احنا

وعليك السلام ورحمة الله تعالى وبركاته
حبيبتي على حسب عاداتكم وتقاليدكم
وعلى حسب امكانيتك
مثلا حنا في بسكرة الي معروف عندنا
انو العروس كيما تكود رح تتزوج تدي الهدايا
لعجوزتها وشيخها واخواتوا وخالاتو وعماتو مثلا
على حسب عددهم
تدي قماش ريحة …هكذا
والله اعلم
وان شاء الله الاخوات رح يفيدوك الكثر

شكرًا ختي

بوركت أختي شكرًا

اذا قادرة ما فيها والو تفرح بها

انا نهار تخطبت عجوزتي الله يرحمها عاطت لماما قارورة عطر وخمار وشعرت بالحشمة لاني ما اشريتلها ولا شي
عليها بالعكس تهادوا وتحابوا ما ضيعيش الفرصة شريلها يا لوكان قارورة عطر واعطهاهلها راح تفرح كثيرا
بارك الله لك
تحيتي

انا كل مرة يجو نمدلهم يدو لجداته يعني عجوزتي الكبيرة مرة حنة وخمار ومرة صابون …الخ وانا عندي 2عجايزات من ذاك لذاك نبعث حاجة بدون مناسبة انتي نهار الي يجو يكملو عليك ديريلها حاجة رمزية خمار وريحة ولا شال شباب.هاذ الامور يقربو بيناتكم ويزرعو المودة

اديلها واش تبغي بلوزة كتان قرعة ريحة

لم أسمع بهذه العادة من قبل ….
ربي يكملك على خير حبيبتي