التحضير: 1لتر حليب تحضريه باللحظة يعني ديري لتر ماء +6مغارف لحظة تعطيك لتر حليب
تقسمي لتر الحليب الى قسمين نصف لتر حطيه على النار يغلي
والنصف الثاني خليه بارد وضيفيلوا +فاني +مغرف لحظة غبرة+2علب ياؤورت اي ذوق+5مغارف سكر خلطيهم مع بعض مبعد زيدي عليهم نصف اللتر الاخر لغليتيه وخلطيه مليح اربع مرات يعني تحطيه في اناء وتفرغي وتعاودي لمدة4مرات مبعد صفيه وحطيه في طاجين صغير وتحطي الطاجين في كيس بلاستيكي وتغلقي مليح بحيث ميدخلش الهواء
وتعاودي حطيه في اناء اكبر منو وديريلوا ماء ساخن وخليه من الصباح حتى المساء او من الليل الى الصباح تلقايه جمد واصبح ياؤورت
ملاحظة: تحبي ديري في مكان الفاني النكهة لتحبيها واللون ايضا مثلا ديري عطر لفريز وتقطعي لفريز فيه وملون احمر
او ديري موز مقطع وملون اصفر وعطر الموز
وتحبي تقطعي اي فواكه عندك في الياؤورت
اتمنى يعجبكم وتجربوه راه ساهل لاياخذ لا وقت ولا تكاليف لا تنسوني من دعوة في ظهر الغيب.
نحب الياووت بزاف……. خرجلك هايل… يعطيك العافية أختي على الوصفة.
تسلم ايدك دائما مبدعة