وحم حيرني كثييرراااا .قولولي واش رايكم فيه 2024.

السلام عليكم شيرات واش راكم

حبيت نحكيلكم على وحدة جارتي مين كانت حامل توحمت على اكل الحجر و هاد الشي انا حيرني بزاااف بزاااف و زاد عليها تاني مين قفلت 7 اشهر عاود ولالها جاتها هاد الحالة تبغي تاكل الحجر بصح تخيلو لي حيرني كثر و كثر انها متحبش تصرطو ……تمضغو و تبصقو كي قلتلها واش راكي ديري نتيا مهبولة قاتلي نحب ريحتو في فمي
والله انا عمري ما شفت كيما هاك حيرتني بززززااف و حبيت نعرف اسكو هاد الشي يضرها ولا لالا ؟؟؟؟

عادى هدا هو ال.حم انا نعرف وحدة دير فى بلاصة الريحة فليت نتع الدبان حشاكم توحمت على ريحتو هههه هدا الوحم ولاخلينى

ايه يا حبيبتي . كل وحدة و علي واش يجيها الوحام. انا راني نتوحم و كل يوم تخطر ببالي حاجة سبحان الله. و كنت نعرف وحدة تحب التراب كيما قالت الاخت . و عادي ما اثر عليها .

السلام عليكم الله اعلم حبيبتي نعرف بزاف توحموا على اكل تراب وصلصال وجابوا اطفال ماشاء لله
هي كراهي تمضغوا وترميه مايضرهاش راهي تتوحم على ريحتوا وفيها تسال طبيبة