بالنسبة لمقادير البيسكوي نعطيكم الوصفة لي معتمدتها
مقادير البيسكوي:
2 بيضات
2 م ك سكر
2 م ك زيت
2 م ك فرينة
م ص فانيلا
م ص خميرة حلوى
كريمة الليمون:
100مل عصير ليمون لي ما يحبش الحموضة بزاف كيما انا ممكن نخفف العصير بشوية ماء ونقيس 100مل
120غ سكر رطب
75غ زبدة
زاست حبة ليمون
2حبات بيض كبار
اولا نحضر الكريمة
في حمام مائي نضع جميع المكونات ماعدا البيض ونحرك حتى تذوب الزبدة
من جهة نخلط البيض ونضيفو للخليط الاول ونتركه على نار هادئة مع التحريك بملعقة خشبية حتى تخثار بلا مانخليها تغلي
نخليها تبرد في الثلاجة
من جهة نحضر البيسكوي
بواسطة الخلاط الكهربائي نخلط البيض مع السكر والفاني جيدا حتى يبياض الخليط ويتضاعف حجمه
من جهة نغربل الفرينة والخميرة ونضيفهم لخليط البيض ونحرك بالسباتول من فوق لتحت بلا مانخرج الهواء
ناخذ صينية الفرن نغطيها بورق الزبدة ونحط الخليط نسويه جيدا
مانخليوهش يحمار حتى نقدر نلفه
نكون حضرنا منديل نظيف ومندي بالماء ونحط فوقه ورق الزبدة هذا الرطوبة تساعد على لفه ونحط فوقه البيسكوي وننزع منه ورق الزبدة
نلف البيسكوي نخليه حوالي 10د حتى يتماسك ويحافظ على الشكل
من بعد نعاود نفتحه وندهن بكريمة الليمون
ونعاود نرد نروليه كيما كان في الاول
ونقطع كل جزء على 4 او 5 من ميني سويسرول
التزيين
انا من لفوق دهنته بكرية الليمون و حطيت القلل من ليزاموند ايفيلي و رشة سكر ناعم
تم بحمد الله
ان شاء الله تعجبكم الوصفة وتجربوها وتنجحو فيها ولا تنسوني اخواتي من صالح دعائكن ولكن بالمثل
في امان الله 
خرج رووووووووووعة
ربي يرزقك ذرية طيبة
مشكورة على الوصفة
بصحتكم
و ربي يفرحك بالذرية الصالحة .
ربي يرزقك عاجلا غير اجل
ان شاء الله تكون قيد التجريب برسكو عجبتني بزااف
لانه نعتها لاختي جات تجري ديركت بستيلوو و الكراس ههه
