مشاركتي 5 في مسابقة الطبخ 2024.

قلب اللوز منزلي باللبن ويخرج احسن من تاع برا
المقادير 6 كيلات سميد خشين تاع قلب اللو 3 كيلات سكر كيلة لبن كيلة زيت 1/2 كيلة ماء زهر
انا استعملت الفنجان كيلة لانو البلا تاعي صغير
نخلطو جميع المقادير بالاصابع فقط من دون عجن

نحطوهم في البلا لي نكونو دهناه بشوية زبدة او زيت
بملعقة نشمخوها نسوو السطح غير بالعقل دون ضغط

نطراسيو خطوط بالموس غير مالفوق ونشبحوه باللوز والى الفرن
من جهة اخر نوجدو السيرو تاعنا بنفس الكيلة لي عبرنا بيها السميد 6 كيلات ماء و 3 كيلات سكر وشريحة ليمون مين تبدا تغلي نحسبو 10 دقائق لاغير ونطفو ونضيفو كاس اتاي ماء زهر
لما يطيب قلب اللوز نسقوه مباشرة بالشاربات على مرتين

وهاذي هي النتيجة

سلام عليكم ورحمة الله وبركاته
اخرجلك روعة اللهم بارك
لكن الوصفة موجودة من قبل في المنتدى وتم تطبيقها من الاعضاء عدة مرات
بارك الله فيك

ما شاء الله جاك روعة يعطيك الصحة والعافية
موفقة إن شاء الله أختي ميرال

يعيطك الصحه موفقة ان شاء الله

شكرا اختي ام عبد الرزاق انا لم ارى هده الوصفة في المنتدى للأسف لكن على ما اظن هدا لا يمنع من اني نحطها ممكن كاين عضوات ماشافوش الوصفة مثلي وراح يشوفوها هاد المرة
شكرا نورتيني بردك
الله يسلمكم حبيباتي شرفتوني بمروركم العطر

راكي شعجتيني باش نجربوا تسلم الايادي

روعة ما شاء الله انا ما شفت الوصفة