مشاركتي رقم 2 في ام آية 2024.

باسم الله الرحمان الرحيم

طبق اليوم هو البرانية
طبق عاصمي اصيل مع بعض التعديلات من عندي
كان بابا ربي يرحمو يموت عليه
لانو ينحدر من العاصمة (القصبة )يقولنا ديروهلي
بش يتفكر امه اي جدتي رحمها الله
المهم بدون اطالة اترككم مع المقادير و كيفية التحضير
في قدر نضع اطراف اللحم مقطعة شوية صغير
انا درت لحم بقري
نحضرو الدرسة ثوم و ملح و نقسموه على 3اجزاء متساوية
المهم نروحو للقدر لي درنا فيه اللحم نديرو فيه الزيت مغرف طماطم مصبرة
شوية من الدرسة 2ورقات رند
كمون فلفل اسود راس الحانوت
و نقلي على نار هادئة

نضيف الحمص تاني

نمرقو بماء سخون باش تقعد بنة اللحم و نخلوه يطيب
من جهة اخرى نحضرو لي بولات نتاه اللحم مرحي
نديرو فيها الجزء الثاني من الدرسة
كمون فلفل اسود راس الحانوت
حبة بيض شوية قسبر مقطع رقيق
ونخلطو و نشكلو كويرات صغيرة
مشي كبيرة بزاف

بعد ما يطيب اللحم و الحمص نحلو القدر و نزيدولي بولات نتاعنا و نغلقو حتى يطيب كلش
نخلي من لاصوص مانشفوش بزاف

بعد ذلك
في ليان او بسينة صغيرة او لي عندها العجانة ندير 5حبات بيض و نضربهم مليح
نحبس و نضيفلهم مغرف خل الجزء الثالث من الدرسة
كاس شابلير او خبز مطحون
شوية حليب
باكي خميرة القاطو
و نفتو اللحم و نزيدو معاه غرفية مخلطة من مرق لي بولات و الحمص
نزيدو الفرماج و نخلطو
ذا شفتوها ثقيلة زيدلها الحليب

و في مول نتاع الكوشة ادهنوه بازبدة ونضع الخليط
و الى الفرن

و كي تطيب قطعوها و رافقوها مع اللحم لي بقا و المرق و لي بولات
عن جد رااااائعة
ارجو منكن التقييم
مشي تطلو و تخرجو كيما بعض العضوات
رني شفتهم في مشاركتي الولى
صح فطوركم

الله يسلمك حبيبتي

شكرا حبيبتي
انشاء الله
انا و جميع المشتركات

ربي يخليك حبيبتي ام يارا