ماركة كريستور او كوندور 2024.

السلام عليكم
ممكن مساعدة فى كويزينيار كوندور او كريستور
اذا ملاح
لان سعرهما يناسبني حتى واحدة من الاخوات
تقولي على تع الخارج ههههههه

كانت عندي ماركة المانية تصددت وما طولتليش واسمها زاس
ولات تباردي الغاز
وحتى فلام بلو غير اول مرة طيبت بيها الحلوى دابو مفاتيحها وصفارو سبحان الله تع عجوزتي عندها35سنة او اكتر ومازالت عندي مليحة برك دير الدخان ومودة قديمة
ما بقاوش لكويزينيار
الا الي تسوى 4او 5ملايين الي تشد
نعرف ارتور ماغتان وشحال من مكاركات بصح الله غاليين بزاف ومنقدرش عليهم

اهلا بك اختي ام رضوان و حنان
عندي جارتي شرات كويزنيار و بسومة 2ملاين و 800بصح راه غير تشكر فيها ماركتها lgو هي نتاع الترك الكوانن يشعلو بتريسيتي حتى الفرن و يشعل ملفوق بتريسيتي قاتلي الحمد الله مرانيش نحرق يديا كي نشعل ملفوق ههههه
المهم هذا واش قدرت نفيدك و ان شاء الله ربي يسهلك في شراءها و مبروك عليك مقدما
يااختي ننصحك باونيام تاع الجزائر

ماهيش غالية وعمرها طويلوتلقاي لي بياس تاعها

يعطيك الصحة حنون
والله غير سمعت بيها بصح هي تشعل ريزيستونس
وانا نفضل النار العادية نتحكم فيها كيما حبيت
شكرااا وربي يحفظك ويهنيكالجيرياالجيريا
صح عندك الحق
بصح سمعت واحد الاخوات
قالو بلي تع درك ماشي كيما تع بكري
كانو يخدموهم ملاح

وشكرااا عاى المرور وعلى الافادة

السلام عليكم ختي انا عندي كوندور نتاع 5 فرنوات مليحة و ماتصدادش و تسوى 4ملاين و800
انا عندي كرستور تاع 5 كوانن عندها عامين لحد الان مليحة ومزال جديدة وطيب مليح ومبعد كي الطول منعرف
يا خواتاتي انا ثاني حبيت نشري و احترت على خاطر ماشي رخيصة السلعة يعني لازم نخمم مليح قبل اي خطوة

تخافي تجيبي حاجة و كي توصلي للدار تبدا المعاناة و نكونو رمينا دراهمنا

انا درت ابحاثي هههههههههه ولقيت ه>ه النتائج

مرت عمي عندها ارتور مارتان مليحة بزااااااااااااااااااااااااااااااااااااااااااااف بصح غالية

2 مرت عمي الاخرين عندهم كريستور وفرحانين بيهم وزيد وحدة صحبتي عروستهم شرات كريستور تاع 5 فرنوات عندها عام و نص

عاجبتهم بزااااااااااااااااف قاتلي و مازالت جديدة رغم انها metalisé يعني رمادية على خاطر خفت تصدد مي قاتلي

تقدري ترجعيها في الكرطون و تبيعيها نورمال ههههههههههههه وقاتلي تطيب الحاجة اللي

تسحق سخانة مليح و الحاجة الخفيفة كي الصابلي ثاني مليح

وقاتلي هوما شراو eniem ثاني مليحة و فرحانين بيها عندها عدة اشهر فقط يعني سلعة جديدة بصح تاع عروستهم اسخن منها

انا ان شاء الله كي نخرج نزيد نضرب دورة مليحة

ظرك ماعنديش مشكل في الاختيار الحمدلله

نتمنى نكون افدتكم

انا عندي كرستور 4 كوانن شريتها من حوالي سنه تطيب مليح ومازاله جديده هي على فكره كرومي ( اينوكس) سعرها 2500
شكرا بزااااااااف على الافادة

1 فكرة عن “ماركة كريستور او كوندور 2024.”

  1. السلام عليكم. لا أنصح بماركة Cristor. و الله تصدي و قطع غيارها جودة رديئة جدا . فتحتها و شفت قطع غيارها.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.