والله زوجي ضراتو بزاف البطاطا المقلية وقالي منا وجاي غير بطاطا كوشة مالا اتحفوني بمسعداتكم
إن شاء الله الأخوات يفيدوك
راح نعطيك طريقتي نفور البطاطا بعد تقطيعها دوائر
منبعد نحكم صينية و ندهنا بالزيت أو الزبدة و بعدها نحط دوائر البطاطا + دوائر البصل + دوائر الطماطم و نضيف التوابل و الفرماج و الملح
تجي بنينة و إن شاء الله تعجبك
فرغي الرسائل بغيت نرد عليك بصح الصندوق راه معمر
اهلييين ندوشة واش احوالك
عندي مجموعة وصفات
1- ممكن تعملي غراتان بلابيري تشرشمي البطاطا وتمرسيها وتضيفي لها ملح وشوية حليب وزبدة
ومن جهة توجدي الحشو لي يكون من لحم مقصوص اطراف صغار كما تاع الشربة وبصل وثوم وتوابل وزيتون اخضر مقطع رقيق وجزر مبشور وتخليها تنشف مليييح وبعدها ديري مونطاج
طبقة بطاطا وفوقها طبقة الحشو والطبقة الاخيرة بطاطا ثم تضربي حبات بيض بالمعدنوس وتحطيهم فوق الوجه وتحطيها في الفور ماتديش وقت 20/30 د كي تطفي عليها ذرذري فورماج رابي وخليها 5 د في الفور وخرجيها تجي رووووعة وخفيييفة " هذي احسن غراتان ياكلوه عايلتي "
ممكن تغيري الحشو بالدجاج او اللحم المفروم تجي روووعة وسرريعة
وهذا شكل من غوغل ليتضح الشكل
2- تقطعي البطاطا دوائر وتحطي عليها ملح وفلفل اسود وتخلطيها مع بيض وحليب وفرماج النوع لي عندك وتحطيها في مول يدخل للفرن وتخليها تنضج 45د خاصة اذا درتيها في اطباق فردية تجي تحفة وبريزونتابل مام للضياف
3- تجيبي حبات بطاطا متوسطة الحجم تقعطي من فوق ولكن ماتوصليش للحافة يعني تبقى لاصقة وكذلك طماطم وتحطيهم في بلاطو فرن
تخلطي شوية مايوناز مع توابل وطماطم مصبرة وشوية ماء وشوية زيت وتفرغيهم عليها وتغلفيها بالبابي المنيوم وتخليها تطيب في الاخير شعلي لها تحمار من فوق شوي تصلح تقدم مع السمك او الدجاج المحمروهذا شكلها
من الاحسن وليقراتان انواع كثيرة
تفوريها وتحطيها في الفور بالحليب وحبة بيض + ملح + فرينة
كي تفور دوائر حطيها في طبق يروح للفرن مدهون وارمي فوقهم الحليب
المخلط مع بيضة +2مغارف كبار زيت + 2مغارف كبار فرينة وفرماج غابي من فوق
والبطاطا كوشة احنا نقلو البطاطا ونكون موجدين مرقة بيضاء بالدجاج والبصل والمعدنوس + الحميصة
يطيب عادي بعدها نقلوا البطاطا ونوزعها فوق الصوص ونعقدها من فوق بالبيض والمعدنوس وقطرات من الليمون
والطريقة الثانية انك تقلي البصل شرائح رقيقة وضيفي طماطم مع زعيترة وديري صوص شابة مبعد جيبي البطاطا تكون مقطعة دوائر حطيها فهديك المقلاة تع لاصوص تتقلا شوية معاها واذا حبيتي ضيفي صدر دجاج مقطع وكي تتشرب مليح ديريها في بلا تع فرن وديري جبن من الفوق ويريها طيب وماتنسيش غطيها بالالمنيوم باش طيب مليح.
كيما تعملي البوري ومن جهة اخرا قلي حبة بصلة ولما تذبل ضفيلها اللحم مرحي شوية ملح فلفل اسود كمون وخليها تنشف ثم تدهني بلا نتاع الفرن
بالزبدة وديري طبقة نتاع بطاطا ثم الحشو ثم دري عليه شوية فرماج رابي ثم طبقة نتاع البطاطا ثم فرماج رابي ورشيها بشوية لا شابلير ودخليها للفرن
حتى تحمار ملفوق.
