أخواتي العرائس
في فترة قبل العرس تكون مرحلة الجهاز و اللي يقولولو تروسو المهم القش اللي تديه العروس معها
و المصاريف كثيرة و كلش غالي لهذا لازم وحدة تعرف تتصرف المال و عندها خبرة سواءا من اللي كبار عليها او او او ….
المهم كيفاه راكم توجدوا لقشكم ؟؟؟ تبداو بالحوايج الصغار او الحوايج بالكبار
نفارسيو على اكثر من حاجة في نفس الوقت
او بالحاجة و لما نخلصها نشوف حاجة اخرى
بالنسبة ليا
كل مبلغ يكون عندي باش نشري نحاول نخرج مبلغ صدقة و لكن احيانا ننسى
انتظر مشاركتكم
و ياريت تشاركوا و كل وحدة تعتبرها نصيحة
و صدقة على اعضاء المنتدى
اختي انا راني بادية بالحوايج الخفاف كيما اللبسة وكي نكمل نروح نشري القش الكبير كيما الشورة ……
اما بالنسبة كي تجي تشري نورمالمو تكملي حاجة ومبعد ترجعي تفيرسي على حاجة اخرى
لي عودة ونحطلكم بعض من جهازي
أنا بديت بالحوايج الخفاف بالاضافة للذهب
و كي شفت الحالة قربت بديت نشري الحوايج لخرين
و راني دايرة ليستا كل مانشري حاجة نكتب باه منظلش نحط راني ننسى ههه
الف مبروك اختي
انا ماشي متزوجة مي دخلت باش نفيدك بواش نعرف
شوفي شري كناش و ماركي فيه قاع واش راه في راسك و واش قالولك عليه وووو"
_ركزي على قش الدار البيجامات و قنادر و لي نويزات ،ّألبسة النوم و الملابس الداخلية
_و الكوسميتيك شري شومبوان و ابري شمبوان و جل دوش من ماركة شابة مثل nivia و لي برفان و ديو دورون هادو تاني نوعي و كثري هادو المهمين
اما الفراش الي غادي تسكن في دار العايلة الفراش لي تديره قاع ما تستغلهش حتا يديمودا و هو ملموم
هادى واش نعرف ان شاء الله الاخوات يفيدوك
شوفي ختي حنا نبداو بالالبسة البيجامات و الروبات و البلايغ و البونتوفات يعني
نديرو بيجامات الصيف مع بلايغهم و امبعد ندورو لبيجامات الشتاء مع البونتوفات
امبعد الملابس الداخلية ( 2 pièces ) و الفيزوات و حاجات خفاف
امبعد كي تكملي هادو تدوري للصبابط حشاك و حوايج الخرجة و الذهب
و امبعد الفراش و كل مرة اشري حاجة (دراوات…كوات …كوفرولي…شورة شابة)
و فالاخير الكوسمتيك لانو كاين حاجات يفسدو بلخف
و الف مبروك لك ربي يكملك فالخير
شوفي انا لحد الان حايرة بزاف ومش لاقية روحي مليح
بديت بمطارح الصوف حنا في عاداتنا نديو 4
زدت كومنديت على صالون ماروكا باش يخيطوهولي
الذهب كنت من قبل ندير دورك حابة نزيد سنسلة طويلة ومسايس منعرف نقدر ولا لا
المهم راح نحاول نكمل الفراش اولا ليكوفرلي دروات الزور الكوات زارابا والمخايد حبيت نتهنى منهم كامل
ومبعد نبدا على لبسة الداروالخرجة والتصديرة
اما الملابس الداخلية والبيجامات كل منخرج نخطف شوية
ربي يكون معانا ويسهلنا ويعمر قلوبنا بالقناعة والرضا
آمين ياارب
وبتوفيق حنونة
ثم الدهب ثم الملابس
الله يسهلك راهم افادوك الاخوات
مع غلاء الاسعار….غير بلعقل و أبداو بالظرورات قبل الكمليات
ربي يهنيكن أجمعين و يسعدكن
ختي حابة تنصحيني واش ندير في جهازي ملقيتش رأسي عيشك ختي نشالله يريبوندي عليا وربي يحفظك نشالله ❤❤