السلام عليكم اخواتي انا عضوة جديدة ولاول مرة اكتب في المنتدى حبيت اقوللكم على المشكلة الي عندي راجية من الله انكم تفيدوني وتوجهوني لما هو افضل لديني ودنياي انا عندي بنتي الكبرى معاقة متلازمة داون بيني وبينكم ما نحبش كلمة منغول تستفزني معلبليش علاه المهم رزقني بيها ربي و الحمد لله على كل حال فرحانين بيها ونحبوها ومتهليين فيها هي عندها 11سنة صدقوني هي اقرب اولادي مني ادا زعفت تقلي ماتزعفيش وتضحكني وتعاوني في شغل البيت وكي تجي من المركز دايما تجيبلي حاجة معاها ولو تنحي الحشيش من الطريق وتجيبهولي وكي يادن لالصلاة تقولي نوضي تصلي باش مايجيش الشيطان باختصار عندها مكانة كبيرة فالبيت لوكان تروح نحسو بالي البيت سامط اسمحولي كثرت عليكم ندخل في الموضوع هده بنتي عندها مشكلة واحدة وهي الاكل بسلامتها تاكل بزاف تاكل فوق القانون وراهي تسمان بطريقة سريعة وما عرفتش كيفاه انضملها اكلها ولازم هي تقتنع باش كي تغيب من عيني ماديرش رايها لانها تستوعب كل كلام اقولهولها الا موضوع الاكل وثاني عندي موضوع شاغلني هو البلوغ راني خايفة كي تبلغ كيفاه نعمل معاها الموضوع هدا شاغلني بزاف ارجوكم ساعدوني لانني حقا محتارة وسلام حار لكل السيدات وشكرا:
كيما قلتي راهي سبب ومن اسباب سعادتك فالدنيا
للاسف معنديش فكرة حول موضوعك نتمنى من اصحاب الاختصاص يفيدك فالموضوع
وهذا رابط موضوع يمكن يفيدك نتمنى تدخلي وتتواصلي مع الاخوات
https://hananour.com/vb/showthread.php?t=19314
ماعليش فقط تغيري العنوان يسمون اطفال متلازمة داون
اخت صديقة لي عندها 5 اولاد ما يشوفوش مساكن وصابرا صابرا صبر لا مثيل الله
سبحان الله والحمد لله والله اكبر
الله يعينك والله ماعندي اي فكرة للاسف حول الموضوع ان شاء الله يفيدوك الاخوات
اما الأكل اختي لازمك ديريلها ريجيم قبل لا يفلت منك الأمر مثلا في النهار اعطيها تاكل التفاح بكميات كبيرة من جهة يساعدها على الشبع و من جهة مليح للريجيم
